AMÔSÂ 8:5 - Mara Bible RV (BSI)

⁵ “Sâh eima zua thei nawpa ta, Thla thiehpa he lei bâ sala eima tah kaw dia! Viahdie eima zua thei nawpa ta, Pahânoh chhâ bâ sala eima tah kaw dia! Kachu pachyhpa ta sekel palai aw pi ta, Khopathliahna doleipa hmâpa ta sôh eima palie aw.

AMÔSÂ 8:5 ပူးပေါင်းရင်းမြစ်များ

2 ABEIZY 4:23

A vahpa ta, “Khazia tanoh cheingei cha ano lâ sie nâ chhuah? Thla thiehpa chhao châ leipa ta, Pahânoh chhao châ va,” tah ta. Chanô ta, “A pha thlâh ha aw,” tah ta.

PUASAINA 31:13

“Izarei sawzy hnohta hetana heta reih teh, ‘Ei Pahânohzy nama chay awpa a châ. Cha cha nama chhâ zydua châta kei nata nâmo likah ta ngiana châ aw ta, chatanachata kei he Zehôvâh Mekâdiske ei châ tahpa nama pahno aw.

BIESOZY 11:1

Khopathliahna doleipa cha Abeipa châta hmo pasichhihpa châ ta, Khopathliahna dopa deikua cha â ly tyh.

BIESOZY 16:11

Khopathliahna dopa nata thliena dopa zy he Abeipa eih châ ta, Sykhao liata khopathliahna lô zydua chhao ano taopa sai a châ.

BIESOZY 20:23

Khopathliahna lô doleipazy cha Abeipa châta pasichhihpa châ ta, Thliena ri doleipazy chhao pha vei.

ISAI 1:13

Hraoleipa atheihnazy vaw cheih khao khah u; Ropahâhpa chhao ei châta pasichhihpa a châ. Thla thiehpa nata Pahânoh nama chay tyhpazy Chhyh thai khao leipa na ta; Noh peimawhpazy nama chay tyhpa chhao, Chhyh thai khao va na; Moleina chhaota pakhypi pathaihpa nama hmâ tyhpazy chhao Chhyh thei khao va na.

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

HÔSIA 12:8

Epharai cha a palai kawpa ta, “Âh, hneirôh ha na ta, Sôh nah thih ei hnei haw; Ei raihria zydua liata moleina hmô khao leipa aw ei ta, Paraona keima liata hmô khao aw veih ei,” a tah.

THEIHTHAINA 19:36

Khopathliahna dopa, khopathliahna lô dopa, kachu dopa, chhiehraôh dopa nama hmâ awpa a châ. Kei he Abeipa nama Khazohpa, Izi râh tawhta châ chhi papuatuhpa ei kha ei châ.

ZEKARIA 5:6

Kei ta, “Khi khi khâpa ma a châ tly?” tah na ta. Ano ta, “Kha kha panuana hrâbyh châ ta, a râh pôhpalôhpa liata ama paraona a châ,” tahpa ta nâ chhy ta.

ZEKARIA 5:8

Ano ta, “He he moleina cha a châ,” tah ta, chanô cha hrâbyh chhôh lâ za nâ ta, ky ta taopa chhiehru ta hrâbyh paka cha pamai ha ta.

MALAKHAI 1:13

‘Cha thachhâ â chhih rimâ cha!’ tah ei chi ta, nama hnapasu nama tô chiepa liata ei moh nama papuapalei haw,” Pheisaihzy Abeipa ta a tah. “Nama parupa sahroh, asypa nata apasapazy vaw cheih ei chi ta, atheihna châta nama hlâ tyh. Nama ku tawhta ei châ pyhpa aw ei ma?” Abeipa ta a tah.

MALUHREINA 10:10

Nama thaphana noh liata zy, nama kyhchhi daihti raopa liata zy, nama thla thiehpa liata zy, nama raopa hlâna nata nama aryhna hlâna atheihna liata zy chiahmie nama tô awpa a châ. Hezy he nâmo châta nama Khazohpa hmiakô liata atheithlâhna châta a châ aw: Kei he Abeipa nama Khazohpa ei châ.”

KAOLAOSÂ 2:16

Chavâta nie kyh ta tlyma, do kyh ta tlyma, chaypi kyh ta tlyma, thla thieh kyh ta tlyma, Pahânoh kyh ta tlyma, ahy hmahta cha sei khah ei sy.

1 SAMUELA 20:5

Dâvi ta Zawna­tha hnohta, “Pachâ teh, mylâ khi thla thiehpa noh châ ta, abei hnohta pati ei dôh nawpa noh a châ. Hânoh zâlâ taihta lyurâhpa liata a nyu awpa ta na pasiesa chy teh.