AMÔSÂ 8:2 - Mara Bible RV (BSI)

² Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

AMÔSÂ 8:2 ပူးပေါင်းရင်းမြစ်များ

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

ISAI 28:4

Saikao lei phapa luh liata lakho a ypa, A rônahna nata angiana a lo haipa cha, Nopi daihti hlâta theiku hmoh tua chaipa hawhta a châ aw. Chyhsa ta a hmôpa nahta, Lyu ta thlai a nie tyh.

ZEREMIAH 40:10

Kei he Mizpâ liata pahrâ aw na ta, keimo lâ a zu tyh awpa Kaldia mo hmiakô liata nama vyuhpa ta ei duah lymâ aw. Nâmo deikua cha, kresawhti nata nopi theilâpazy nata sathaw zy pahmaoh u la, nama beihparizy liata pachô u la, khihpi nama lapazy liata pahrâ muh vy,” tah ta.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

EZEKIA 12:23

Chavâta ama hnohta chho la, ‘Abeipa Zehôvâh ta hetana heta a tah: He bieso he pachhâsa aw na ta, Izarei râh liata bieso ta hmâh khao aw veih ei.’ Châhrasala ama hnohta reih la, ‘Aluahna bie to â dopa ta a tlôpaki nawpa noh â hnia haw,’ tah mah y.

EZEKIA 29:8

“Chavâta Abeipa Zehôvâh ta hetana heta a tah: Pachâ teh, na chô liata zaozi vaw patlôsa aw na ta, chyhsapa nata sa zy nâ tawhta ei chhawh pathlah khai aw ei.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

EZEKIA 3:7

Izarei pathlazy deikua cha, khi châpa nata palôh kuhchhapa ama châpa vâta, ei bie nathlie khoh leipa ei ta, nâma bie chhao nathlie khoh aw veih ei.

EZEKIA 7:6

Chhâna a vaw tlô haw. Chhâna vaw tlô ta, a cha thyuhnao haw. Moh teh, chhâna a vaw tlô.

EZEKIA 8:12

Chatawhcha ei hnohta, “Chyhsa sawchapawpa y, Izarei pathla machâzy ama khazoh nothlahpa chhôhpadâhpa chyu liata y ei ta, zohna liata hmo ama taopazy kha na hmô ma? ‘Abeipa ta miah hmô bao vei, Abeipa ta râh he a siesai ha bao na,’ ama tah khaw,” tah ta.

EZEKIA 8:17

Abeipa ta ei hnohta, “Hy chyhsa sawchapawpa y, kha kha na hmô ma? Zudâh pathlazy ta he su liata hmo pasichhihpa ama taopazy he, hmo chyh nawhpa ma a châ? Râh he atudaina ta pabiepa ta, ei hie na pahâh via rili amâ chhuahpa ma a châ tly? Moh tua, chhobuh ta ama hnapasu amâ pakhâ huh.

EZEKIA 8:6

Abeipa ta ei hnohta, “Chyhsa sawchapawpa y, ama hmotaopa kha na hmô ma? Ei supathaihpa chhao lâhlapi lâ siesai pâ ngâ awpa taihta, he su liata Izarei pathlazy hmo pasichhih ngaitapa taopa kha na hmô ma? A heih tua, he hlâta pasichhih via syulyupazy na hmô via aw,” tah ta.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

AMÔSÂ 7:8

Chatawhcha Abeipa ta ei hnohta, “Amôsâ, khâpa ma na hmô?” na tah ta. Kei ta, “Padona ri,” tah na ta. Abeipa ta hetana heta a tah: “Moh teh, ei phopi Izarei sawzy hry liata padona ri parai na ta, Chapia beih khao aw veih ei na;

AMÔSÂ 8:1

Abeipa Zehôvâh ta hetana heta na pahmô heih ta:

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

ZEKARIA 5:2

Ano ta, “Khâpa ma na hmô” na tah ta. Kei ta, “Châ chatypa a zaw ngâpa, a doh lâ dy kih seih ta a hâ lâ dy hrawh a kawhpa ei hmô” tah na ta.