AMÔSÂ 8:14 - Mara Bible RV (BSI)

¹⁴ Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

AMÔSÂ 8:14 ပူးပေါင်းရင်းမြစ်များ

1 ABEIZY 12:32

Zudâh râh liata kyhchhi ama hnei tyhpa hawhta, thla chariena, noh hrawh hleipangawhna noh cha, Zerôbaw ta kyhchhi noh ta rao hra ta, maisâh liata atheihnazy a hlâ tyh. Cha hawhna chata Bethel liata tao ta, viahchaotaw nothlahpa a taopazy lâ cha atheihnazy hlâ ta. Su sâhpa a paduapa châta theihthaipazy cha Bethel liata soh ta.

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 16:24

Samâri tlâh cha Seme tawhta tâkâ talent miano ta chalei ta, cha tlâh liata thokhy ta dôhpa khihpi padua ta. A khihpi paduapa moh cha, a tlâh hneituhpa Seme moh paphaopa ta Samâri a bi.

2 ABEIZY 10:29

Châhrasala Zehu ta Izarei a pamoleisapa Nebâ sawchapawpa Zerôbaw moleinazy pathleih leipa ta, Bethel nata Dânâ liata ngôh viahchaotaw nothlahpazy a chhy thlâh ha chy ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

HLAZY 140:10

Meihei iapazy ta âmo cha tla thlu sala, Mei liata thypa châ mawh ei sy! Thyu heih khao lei awpa ta, Khaohtlô athupa lâ thypa châ mawh ei sy!

HLAZY 36:12

Cha liata hmoparaopazy paopa ta a zawh ei ta, Chati pathlahpa ta y ei ta, Thyu thei khao veih ei.

BIESOZY 24:16

Mosiapa cha ei sari pao hra sala thyu heih tyh ta, Moleipazy deikua cha ei kha chhie atyhna liata amâ hluah tyh.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ISAI 24:20

Alei cha a paripa hawhta paochheichhâpa ta y ta, Byureih hawhta â chanei; A paraona ta thata vi ta, Pao ta, thyu heih khao aw vei.

ISAI 43:17

Talailih nata arâzy parao ta, Pheisaih nata pasaiphazy paraopa ta, Pao ei ta thyu thei khao leipa ta a paysatuhpa, Mei pachhaipa hawhta âmo cha pachhai ta, Meiôh pala mei thiepa hawhta âmo a thiepa Abeipa ta hetana heta a tah:

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

ZEREMIAH 51:64

‘He châbu hawhna heta Babylaw cha a pamôh aw ta, a chô liata chhiena ei patlôsa awpa vâta, thyu khao aw vei, thachhâ ngaitapa ta ama y aw,’ tahpa ta reih mah y,” tah ta. Kha via kha Zeremiah biezy cha a châ.

HÔSIA 10:5

Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

HÔSIA 13:2

Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.

HÔSIA 4:15

Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

AMÔSÂ 5:1

Hy Izarei pathla saih u, He bie he thei u la, Nâmo kyh liata ei chaphôhtuna bie he thei teh u.

AMÔSÂ 5:2

“Laihsa kôpa Izarei cha pao ha ta, Thyu heih thei khao vei; A râh liata siesaipa châ ta, A pathyu awpa y veih ei.”

AMÔSÂ 5:5

Bethel tlua leipa u la, Kilkal lâ sie khah u; Besebâ lâ chhao kiah hra khah u. Kilkal cha sei ta sie tlai aw ta, Bethel cha hraoleipa a châ aw.”

MIKÂ 1:5

Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

HMOTAOPAZY 18:25

Abeipa lâpi kyh pachu hapa chyhsa châ ta. Zawhâna bâtina deita a pahnopa chhao ta, thlahpa thapasana hneipa ta, Zisu thâtih â do kawpa ta a pachu tyh.

HMOTAOPAZY 19:23

Cha daihti liata, Lâpi zyhna kyh vâta atymâna lai ngaitapa pua ta.

HMOTAOPAZY 19:9

Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

HMOTAOPAZY 24:14

Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

HMOTAOPAZY 9:2

Lâpi zyhna py liata chyhsa ahy rai a hmô khiah ei ta cha, a chapaw chanô ta chahrypa ta, Zerusale lâ â vaw chhi thei nawpa ei ta, Dâmaskâ pakhyna ozy liata pie awpa châzy hiah ta.

RYHPACHANEINA 33:11

Hy Abeipa, a sôh nata piah byhnâ pie la, A ku raihria a pyh mah y; A khakhaipazy chai chhawh la, Ama thyu khao lei nawpa ta, Ano a haotuhpazy chai chhawh mah y.”

RYHPACHANEINA 9:21

Nama moleina hmo, viahchao taw nothlahpa nama taopa kha la na ta, mei liata rao na ta, pakeichheih khaipa ta, dohlei hawhta dina taihta charo na ta, tlâh tawhta chavah zâ lohpa liata a paoh ei thy haw.