AMÔSÂ 8:10 - Mara Bible RV (BSI)

¹⁰ Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

AMÔSÂ 8:10 ပူးပေါင်းရင်းမြစ်များ

ÂTHAONA 21:16

“Hawtipa a thi awpa cha mo ngâh va na,” tah ta, vawh ta, hawtipa tawhta libaw ka phana rakha liata a kei tyuh ta. Hawtipa dady liata a tyuh ta, ao paro ngaitapa ta aoh tlili ta cha ta.

ZAWBÂ 20:23

Py biepa nata lôhrâtlôpa ta a y nota, Khazohpa ta a pathiiana a chô liata vaw tuah aw ta, A hriena chaihhrai ta avâ hawhta a sua thlu aw

ZAWBÂ 3:5

Zohna nata thina nohpahli ta khu sala, A chô liata meihdo a chhoh sala, Noh zohpa ta chalyusa mawh sy.

ZAWBÂ 30:31

Ei totâ pyu cha mâchhiesana pyu lâta a lie ta, Ei ramo pyu cha chana pyu lâta â lie haw.”

ISAI 3:24

Ropahâhpa vyuhpa ta hmo thupa vaw y aw ta, Chaisaihna vyuhpa ta chaori a y aw. Sâ mihpa vyuhpa ta luh pôlôna y aw ta, Poh ngiapa vyuhpa ta latho hnorâh y aw ta, Chhithaina vyuhpa ta nozana a y aw.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 48:37

Luh to papôlôpa châ ta, Kâhhmi to ngyupa a châ. Ku zydua âpa châ ta, Chai liata latho poh a saipa a châ.

ZEREMIAH 6:26

Hy ei phopi zuah y, Eikhapi ta paraotuhpa miah a vaw tlô thlu awpa vâta, Latho poh a bu la, Buchâh liata a hluah mah y. Sawchapaw matlupa mâchhiesapa hawhta mâchhie sa la, Thata chaphôh tu mah y.

CHAPHÔHTUNA 5:15

Eima palôh alynazy pai ha ta, Eima lâpa mâchhiesana lâta â lie haw.

EZEKIA 7:18

Latho poh a bu aw ei ta, chichhihna ta a khu aw ei. Ama zydua hmiachhiepa ta y aw ei ta, ama luh zydua a pôlô khai aw.

EZEKIA 7:2

“Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

HÔSIA 2:11

A kyhchhizy ei pachhâsa khai aw; A thla thieh chaypi nata a Pahânohzy pachhâsa aw na ta, Â lyna kyhchhi zydua ei pachhâsa khai aw.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

ZÔELA 1:8

Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

THEIHTHAINA 13:40

“Chyhsa a sâ a py khai ha khiahta cha, luh pôlôpa châ ta, châhrasala pathaihpa a châ.

AMÔSÂ 5:21

Nama kyhchhizy a hao na ta, Chhyh thai khao va na; Nama pakhypi pathaihpazy chhao, A ly va na.

AMÔSÂ 5:23

Nama hla palopasahpazy Kei tawhta hnei syulyu ha teh u; Nama totâ pyu chhao, Nathlie khoh va na.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

RYHPACHANEINA 16:14

Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.