AMÔSÂ 7:17 - Mara Bible RV (BSI)

¹⁷ Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

AMÔSÂ 7:17 ပူးပေါင်းရင်းမြစ်များ

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 22:18

cha pahieh, cha pahieh aw ta, bawhlô hawhta râh kawhpa liata a cha thy aw. Cha liata thi aw chi ta, cha liata, nâ, na zibeipa ochhôh liata maophyuhna a tlôkheituhpa châta na rônahna talailihzy a y aw.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 20:6

Nâ Pâsu nata na o liata a pahrâpa zydua chhao, seichâna lâ nama sie aw. Nâ nata haipa ta hrohsona bie na chho tyhpa na viasa zydua Babylaw lâ sie aw ei chi ta, cha liata thi aw ei chi ta, cha liata pabupa nama châ aw.”

ZEREMIAH 28:12

Hrohsopa Hânaniah ta hrohsopa Zeremiah rao tawhta raopaky thlie pachhô ta a pahluh khai tawhta, Zeremiah hnohta Abeipa bie vaw tlo ta:

ZEREMIAH 28:16

Chavâta Abeipa ta hetana heta a tah: ‘Pachâ teh, alei cho tawhta ei cha thy aw. Abeipa chakhiana bie na reipa vâta, atakô lia tlai ta na thi aw,’” tah ta.

ZEREMIAH 29:21

Ei moh ta haipa ta hrohsona bie a phuahpa Kôliah sawchapawpa Ahabâ nata Mâsei sawchapawpa Zedekia kyh liata, Pheisaihzy Abeipa, Izarei Khazohpa ta hetana heta a tah: Moh teh u, âmo cha Babylaw bei Nebukaneza ku liata hlâ aw ei na ta, nama mohmô lia cheingei ta a thie aw ei.

ZEREMIAH 29:25

“Pheisaihzy Abeipa, Izarei Khazohpa ta hetana heta a tah: Zerusale zawpi zydua hnohta nata Mâsei saw­chapawpa theihthaipa Zephania hnohta nata theihthaipa zydua hnohta, nâma moh ta châ paphao chi ta,

CHAPHÔHTUNA 5:11

Zaio liata chanôzy patupakhi ei ta, Zudâh khihpizy liata laihsazy ama patupakhi.

EZEKIA 4:13

Chatawhcha Abeipa ta, “Cha hawhna chata Izarei pathlazy chhao, âmo ei papuana râh phopizy hry liata viahchhâ pathaih leipa ama nie aw,” tah ta.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

AMÔSÂ 6:7

Chavâta âmo cha, Seichâna lâ a sie tua chaipa châ aw ei ta; Kyhchhi pati niepa ta A pazawh zaolao thei khao aw veih ei.”

AMÔSÂ 7:11

Amôsâ ta hetana heta a tah: “‘Zerôbaw cha zaozi ta thi aw ta, Izarei cha a râh tawhta lâhlapi lâta Sei ta a sie tlai aw.’”

AMÔSÂ 8:1

Abeipa Zehôvâh ta hetana heta na pahmô heih ta:

AMÔSÂ 9:1

Abeipa cha maisâh kiah liata â duah thlâhpa ta hmô na ta, Abeipa ta hetana heta a tah: “Ochhizy â chalyu khaina taihta otôhzy phy la, Chyhsa zydua luh chô liata pacho thlu teh; A laibâhpazy cha zaozi ta thie aw ei na ta, Pakha hmahta a râ aw veih ei; Pakha hmahta pua aw veih ei.

AMÔSÂ 9:8

Pachâ teh u, Abeipa Zehôvâh mo cha, Khinarâh moleipa chô liata tawpâ ta, Chhaohlei chô tawhna heta Ei pahleipadia khai aw ei; Zakaw pathla deikua cha, Tlokhuh ta parao khai aw va na,” Abeipa ta a tah.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

ZEKARIA 14:2

Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.