AMÔSÂ 7:15 - Mara Bible RV (BSI)

¹⁵ Châhrasala Abeipa ta mietaku zaw vaina tawhta na la ta, Abeipa ta ei hnohta, ‘Sie la, ei phopi Izarei hnohta bie kei phuah teh,’ eina tah.

AMÔSÂ 7:15 ပူးပေါင်းရင်းမြစ်များ

2 SAMUELA 7:8

Chavâta tahmâ nâ chakaotuhpa Dâvi hnohta hetana heta kei chho teh. ‘Pheisaihzy Abeipa ta hetana heta a tah: Ei phopi Izarei chô liata ryureituhpa châ awpa ta sibiepa su tawhta nata mietakuzy na vaina tawhta cha la papua na ta,

1 ABEIZY 19:19

Elaizâh cha cha su tawhta sie ta, Saphâta sawchapawpa Elaisâh cha kei hmô ta. Elaisâh cha viahchao tôhpa bao hrawh hleino ta alei vaw palie ngâ kaw ta. A bao hrawh hleinona cha ano ta haoh ta. Elaizâh ta kei pangai ta, a viahkao pasipa thy thlu ta.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

ZEREMIAH 26:12

Zeremiah ta beimachâzy nata zawpi zydua hnohta, “Bie nama theipa zydua kha, Abeipa ta na tuah ta, he o nata he khihpi rao nawpa kyh hrohsona bie eina paphuahsapazy a châ.

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

MATHAI 9:9

Cha su tawhta Zisu cha sie lymâ ta, chhie kheina su liata atyuhpa chyhsa pakha a moh Mathai ama tahpa hmô ta, a hnohta, “Na zi teh,” tah ta. Thyu ta, zi ha ta.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 4:20

Keimo la hmo eima hmôpa nata eima theipazy reih leipa ta y thei ma pi,” tah ei ta.

HMOTAOPAZY 5:20

“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.

1 SAMUELA 10:11

Cha hlâta ano a vaw pahnopazy ta, hrohsopazy hry liata a hlaopa ta, hrohsona bie a phuah lymâ hrapa ama hmô nahta, a hiahri raihriepa ta, “Kisâ sawchapawpa chô liata hmo vaw tlôpa he khâpa ma a châ tly? Sawla chhao cha hrohsopazy hry liata â hlao ha hra khiah?” tah ei ta.