AMÔSÂ 7:14 - Mara Bible RV (BSI)

¹⁴ Amôsâ ta Amazia cha a chhy ta, a hnohta, “Kei he hrohsopa châ leipa na ta, hrohsopa sawchapaw chhao châ va na. Sahroh vaituhpa nata theiku kô mohôhtuhpa ei châ.

AMÔSÂ 7:14 ပူးပေါင်းရင်းမြစ်များ

1 ABEIZY 19:19

Elaizâh cha cha su tawhta sie ta, Saphâta sawchapawpa Elaisâh cha kei hmô ta. Elaisâh cha viahchao tôhpa bao hrawh hleino ta alei vaw palie ngâ kaw ta. A bao hrawh hleinona cha ano ta haoh ta. Elaizâh ta kei pangai ta, a viahkao pasipa thy thlu ta.

1 ABEIZY 20:35

Hrohsopazy sawchapawpa hry liata pakha ta, Abeipa biepiepa hawhta a viasapa hnohta, “Ngiachhiepa ta na vaw phy tua,” tah ta. Châhrasala cha chyhsa chata phy khoh leipa ta.

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

2 ABEIZY 2:3

Bethel liata a ypa hrohsopa sahlao sawchapawzy Elaisâh lâ a vy ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:5

Zerikô liata a ypa hrohsopa sahlao sawchapawzy ta Elaisâh a kei hnia ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:7

Hrohsopa sahlao sawchapaw­zy hry tawhta sypangawh vawh ei ta, âmo dady liata â hlapi ta a kei duah ei ta. Âmo pano deikua cha Zawdâh chavah kiah liata a duah ei ta.

2 ABEIZY 4:38

Râh liata chakâhna a tlô nota, Elaisâh cha Kilkal lâ sie heih ta. Hrohsopa sahlao sawchapawzy cha a hmiakô liata a tyuh ei ta, a chakaotuhpa hnohta, “Beih laipa khaih la, hrohsopa sahlao sawchapawzy châta abie pati chhopa teh,” tah ta.

2 ABEIZY 6:1

Hrohsopa sahlao sawchapawzy ta Elaisâh hnohta, “Moh tua, na kiapâh liata eimâ tyu tyhna su he eima châta a chyh tu haw.

2 THÂTIHZYRONA 16:7

Cha nota hrohsopa Hânani cha Zudâh bei Âsâ la a vy ta, a hnohta, “Abeipa na Khazohpa liata a pahnieh leipa chi ta, Aramia bei liata nâ pahniehpa vâta, Aramia bei pheisaihzy na ku tawhta ama pua haw.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

2 THÂTIHZYRONA 20:34

Zehôsaphâ thâtih hropazy cha, âthaona tawhta achhâna taihta, Hânani sawchapawpa Zehu châbu liata ropa châ ta, chazy cha Izarei beizy thâtih rona châbu liata ropa a châ.

ZAWBÂ 30:4

Thobuh hnazy nata âhnalasi iahpazy lyupa ta, Ophi thari taihta ama nie.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

ZEKARIA 13:5

‘Hrohsopa châ va na, lei palietuhpa châ na ta, ei thyutlia no tawhta chhaohlei he ei nietluana a châ’ a tah aw.

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.

1 SAMUELA 10:11

Cha hlâta ano a vaw pahnopazy ta, hrohsopazy hry liata a hlaopa ta, hrohsona bie a phuah lymâ hrapa ama hmô nahta, a hiahri raihriepa ta, “Kisâ sawchapawpa chô liata hmo vaw tlôpa he khâpa ma a châ tly? Sawla chhao cha hrohsopazy hry liata â hlao ha hra khiah?” tah ei ta.