AMÔSÂ 7:13 - Mara Bible RV (BSI)

¹³ Bethel liata deikua cha, abei supathaihpa châ ta, abei o yna su a châpa vâta, he liata la bie phuah beih khao khah y,” tah ta.

AMÔSÂ 7:13 ပူးပေါင်းရင်းမြစ်များ

1 ABEIZY 12:29

Viahchaotaw miakha Bethel liata soh ta, miakha Dânâ liata soh ta.

1 ABEIZY 12:32

Zudâh râh liata kyhchhi ama hnei tyhpa hawhta, thla chariena, noh hrawh hleipangawhna noh cha, Zerôbaw ta kyhchhi noh ta rao hra ta, maisâh liata atheihnazy a hlâ tyh. Cha hawhna chata Bethel liata tao ta, viahchaotaw nothlahpa a taopazy lâ cha atheihnazy hlâ ta. Su sâhpa a paduapa châta theihthaipazy cha Bethel liata soh ta.

1 ABEIZY 13:1

Abeipa biepiepa hawhta, Zudâh tawhta Khazohpa chyhsa pakha Bethel lâ a vy ta. Zerôbaw cha maisâh kiapâh liata hmo hlâ awpa ta a duah ta.

2 ABEIZY 14:24

Abeipa mohmô liata hmo pha lei ngaitapa tao ta. Izarei a pamoleisapa Nebâ sawchapawpa Zerôbaw moleina zydua siesai tlâ vei.

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ZEREMIAH 26:9

Khazia Abeipa moh ta hrohsona bie phuah chi ta, ‘He o he Silô hawhta châ aw ta, he khihpi he roryhrapa ta ypa ta, a chhôh liata a pahrâpa y aw veih ei,’ na tah?” tah ei ta. Zawpi zydua ta Zere­miah cha Abeipa o liana cha chadô ei ta.

AMÔSÂ 2:12

“Châhrasala Nâzaraizy cha kresawhti padosapa ta, Hrohsopazy biepie ei chi ta, ‘Bie nama phuah awpa châ vei,’ nama tah tyh.

AMÔSÂ 3:14

“Cha noh liata, Izarei cha a moleinazy vâta hrie aw na ta, Bethel maisâhzy ei hrie aw; Maisâh kizy chhawh pathlahpa châ aw ta, Alei liata ama pao aw.

AMÔSÂ 5:5

Bethel tlua leipa u la, Kilkal lâ sie khah u; Besebâ lâ chhao kiah hra khah u. Kilkal cha sei ta sie tlai aw ta, Bethel cha hraoleipa a châ aw.”

AMÔSÂ 7:16

Chavâta tahmâ Abeipa bie he nathlie teh: “‘Izarei chakhiapa ta hrohsona bie phuah leipa la, Aisika pathla chakhiapa ta bie chho hra khah y,’ tah chi ta.

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 5:40

A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw.