AMÔSÂ 7:12 - Mara Bible RV (BSI)

¹² Chatawhcha Amazia ta Amôsâ hnohta, “Hy nâ, hmôtheituhpa y, sie la, Zudâh râh lâ a râ la, cha liata viahchhâ kei nie la, hrohsona bie cha, cha liata kei phuah teh.

AMÔSÂ 7:12 ပူးပေါင်းရင်းမြစ်များ

2 THÂTIHZYRONA 16:10

Âsâ cha hrohsopa chô liata a hiehâh ta, patâhna o liata khô ta. A biereipa vâta a chô liata a hie a hâh ngaitapa a châ. Âsâ cha chyhsa hropazy chhao pasa pataosa lymâ ta.

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

EZEKIA 13:19

Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

AMÔSÂ 2:12

“Châhrasala Nâzaraizy cha kresawhti padosapa ta, Hrohsopazy biepie ei chi ta, ‘Bie nama phuah awpa châ vei,’ nama tah tyh.

AMÔSÂ 7:11

Amôsâ ta hetana heta a tah: “‘Zerôbaw cha zaozi ta thi aw ta, Izarei cha a râh tawhta lâhlapi lâta Sei ta a sie tlai aw.’”

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MATHAI 8:34

A khihpi ta Zisu a tyh awpa ta vaw pua ei ta, ama hmô nahta, ama bia puasai awpa ta a haw ei ta.

LUKA 13:31

Cha dawh lia tlai chata Phârisaih thokha a vy ei ta, a hnohta, “Pua la, he tawhtapa he sie syulyu ha teh, Herawda ta thie a châ chhuah,” tah ei ta.

HMOTAOPAZY 16:39

Vawh ei ta, reihpha cheih ei ta, papua ei ta, khihpi puasai awpa ta a haw ei ta.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 SAMUELA 2:36

Na chipathla a hrohpa maihta tâkâ tlaw kha nata viahchhâ tlâ kha a hia awpa ta ano lâ pangai aw ei ta, a hnohta, “Viahchhâ tlawh kha chhâ nie awpa ei hnei thei nawpa ta, theihthaipa raihria kheihawhpa chhâ ma na pahriasa hra awpa ta ei châ haw,”’ ama tah awh,” tah ta.

1 SAMUELA 9:9

Hlâno Izarei râh liata cha, chyhsa ta Khazohpa â saohiah khoh nahta, “A vy teh, hmôtheituhpa lâ vawh ei si,” ama tah tyh. Tanoh ta hrohsopa he hlâno ta cha hmôtheituhpa tahpa ta aw tyhpa a châ.