AMÔSÂ 7:1 - Mara Bible RV (BSI)

¹ He he Abeipa Zehôvâh ta eina pahmôpa a châ: Moh teh u, sibie tliapa a chhyh a thao pathao hai nota, khawsuzy vaw tuah ta, cha cha bei tovyuh sibiepa chhawh khaipa a châ tawhta sibiepa a thao heihpa a châ.

AMÔSÂ 7:1 ပူးပေါင်းရင်းမြစ်များ

ISAI 33:4

Hy phopizy saih u, nama hraona sôhzy cha, Chângyu chhohna pakhypa hawhta pakhypa châ aw ta, Khawsuzy a zawpa hawhta a zawhnaopa a châ aw.

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

EZEKIA 11:25

Abeipa ta eina pahmôsapa zydua cha, seichâna liata a ypazy chho ei na ta.

ZÔELA 1:4

Khawsu nie bâhpa tykâ ta nie ta, Tykâ nie bâhpa kuri ta a nie; Kuri nie bâhpa khawthlôhraihpa ta nie ta, Khawthlôhraihpa nie bâhpa cha, Chângyu ta a nie khai haw.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.

AMÔSÂ 4:9

“Raohna nata maohna ta cha tu ei na ta, Nama sadôzy chângyu ta nie ta, Nama kre sadôzy chângyu ta a nie khai haw; Nama theiku kôzy chângyu ta nie ta, Nama ôli thozy chângyu ta a nie khai haw, Chatanachôta kei lâ vaw kua veih ei chi,” Abeipa ta a tah.

AMÔSÂ 7:4

Abeipa Zehôvâh ta hetana heta na pahmôsa heih ta: Pachâ tua u, Abeipa Zehôvâh ta mei ta pachiana aw ta, mei chata ti athupa lai ngaitapa cha palâ khai ha ta, alei chhao nie lymâ ta.

AMÔSÂ 7:7

He he eina pahmô heih: Abeipa cha padona ri hmâpa ta sapa pâhchhô kiah liata a duah ta, a ku liata padona ri a chaba ta.

AMÔSÂ 8:1

Abeipa Zehôvâh ta hetana heta na pahmô heih ta:

ZEKARIA 1:20

Cha khai tawhta Abeipa ta zôthaipa papalih na pahmô heih ta.

MALAKHAI 3:11

“Arievazy ta nama chhaohlei theizy ama nie lei nawpa ta pakhâ aw ei na ta, nama sadô liata kre zôhzy pathei leipa ta y aw vei,” Pheisaihzy Abeipa ta a tah.