AMÔSÂ 6:8 - Mara Bible RV (BSI)

⁸ Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

AMÔSÂ 6:8 ပူးပေါင်းရင်းမြစ်များ

ÂTHAONA 22:16

“Kha hmo kha na taopa vâta, keima tlai ta bie ei châ taih. Na sawchapawpa, na sawchapaw matlupa tlai chhao pie awpa ta na thlyu leipa vâta,

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

HLAZY 47:4

Eima ryuto râh miah a tlyhpa ta, A kyhpachâpa Zakaw myuh miah a pie. Selah

HLAZY 50:12

“Ei no a dipa chhao ta, Nâ la cha chho hlei aw va na; Khizaw nata a chhôh liata a ypa zydua he, Kei eih sai a châ.

HLAZY 78:59

Cha kyh cha Khazohpa ta a thei nahta, A hiehâh ngaita ta; Izarei cha a dytha pathlah haw.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ZEREMIAH 12:8

Ei ryuto cha kei châta Lyurâhpa chakeibarôhneipa lyu ta, Einâ rôh thlu tyh; Chavâta ano cha ei hao kaw.

ZEREMIAH 22:14

‘O rônahpa a sa aw na ta, O chô chhôhpadâhpa kawhpazy ei tao aw,’ tah ta, Opyzy pahypa ta, Sidy tho ta patho ta, Hlyu saihpa a hnia.

ZEREMIAH 22:5

He biezy he nama zyh leipa khiahta deikua cha, keima sasyh moh a reipa ta bie ei taih, he o he roryhrapa ta a y aw, Abeipa ta a tah.

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

ZEREMIAH 49:13

Bôzrâ cha su chichhihpa, pasipasawhpa, roryhrapa nata chhiesapa khihpi châ aw ta, a khichapeihzy chhao roryhrapa ta ama y zôzaw aw tahpa ta, keima sasyh ta ei moh a reipa ta bie ei taih haw,” Abeipa ta a tah.

ZEREMIAH 51:14

Pheisaihzy Abeipa ta a hrona reipa ta, Hetana heta bie â taih haw: Khawsu pôpi hawhta a hluhpa Chyhsapa ta cha pabie aw na ta, Pahniena hladyuh ama cha pathluah thlu aw.

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

HÔSIA 11:6

Zaozi ta ama khihpizy a dyuh aw ta, Ama thokhy chhikao tlâhzy a chhawh pachhô khai aw; Ryh amâ raopa pha leipa vâta A pahleipadia khai aw ei.

THEIHTHAINA 26:11

Nama hry liata ei byureih soh aw na ta, ei hro ta châ hao aw veih ei.

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

AMÔSÂ 3:11

“Chavâta Abeipa Zehôvâh ta hetana heta a tah: Khakhaipazy ta râh vaw dôh aw ei ta, Na thokhyzy parao aw ei ta, Na bei ozy ama hrao aw.”

AMÔSÂ 4:2

Abeipa Zehôvâh ta A pathaihna moh reipa ta bie â taih ha ta, Moh teh u, nohzy a cha vaw tlô thlu hai ei; Thua akopazy ta ama châ chhi nawpa noh vaw tlô hai ta, Nama sawzy taihta keipa ta amâ chhi nawpa noh a vaw tlô hai.

AMÔSÂ 5:21

Nama kyhchhizy a hao na ta, Chhyh thai khao va na; Nama pakhypi pathaihpazy chhao, A ly va na.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

AMÔSÂ 8:7

Abeipa ta Zakaw rônahna reipa ta, Hetana heta bie â taih haw: “Ama hmotaopa maih my beih aw va na.

ZEKARIA 11:8

Châhrasala thla kha chhôh ta vaituhpa pathôh ei pabâh ha ei. Ama chô liata ei palôh chhâ kaw ta, âmo chhao ta eina ai kaw hra ei.

RYHPACHANEINA 32:19

Cha cha Abeipa ta hmô ta â hao kaw, A sawchapawzy ta a hie pahâh ei ta, A sawchanôzy ta a hie ama pahâh.