AMÔSÂ 6:4 - Mara Bible RV (BSI)

⁴ “Sianaoh rakhô liata a zia ei ta, Ama dyuchhai chô liata â pazawhpazy; Mietaku zaw liata mietakutaw sa nie ei ta, Viahchao o liata viahchao taw sa a niepazy;

AMÔSÂ 6:4 ပူးပေါင်းရင်းမြစ်များ

ÂTHAONA 37:25

Pati nie awpa ta a tyuh ei ta. Mohmia pasaih ei ta, Kilia tawhta â vypa Ismela mo râraoseihpazy hmô ei ta. Ama râraoseihpazy cha Izi râh lâ zua awpa iaôzy, thohna hniapazy nata ropahâhpazy a phaohpa ama châ.

ESTHERI 1:6

Sadô liana cha pala rih dipa pohrai diehpa nata nohpa zy pangiehpa châ ta, chazy cha pala rih dipa chaori diehpa nata nohsaihpa hmâpa ta, awhlôteihpa tôh liata pataohpa takâ tiakizy liata pazaopa a châ. Thlalâ a lyupa alô châpazy, awhlôteihpazy, taikulô pha chaipa nata lôsôhpazy ta taopa sadô siphiah chô liata, ngôh nata tâkâ dyuchhaizy patyupa a châ.

HLAZY 73:7

Ama pachâna cha moleina ta bie ta, Ama palôh saduthliena ta a bie.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ZEREMIAH 16:8

“Kyhchhina o liata a ngiapa ta, ama hnohta a tyuhpa ta, na nie na doh awpa châ vei.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 23:41

Dyuchhai rônah ngaitapa liata a tyuh chi ta, a hmiakô liata tlâhkhai patyuh chi ta, cha liata ei ropahâhpa nata ei sathaw zy na so tyh.

AMÔSÂ 3:12

Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

ZÂMIE 5:5

Khizaw liana heta sapa palysapa ta phasapa ta hroh ei chi ta, thina noh zy lia taihta nama palôh namâ palysa.