AMÔSÂ 6:3 - Mara Bible RV (BSI)

³ Chhiena noh lâhlapi lâ pasie ei chi ta, Thachahra hmâna dyuchhai nama vaw pahniasa.

AMÔSÂ 6:3 ပူးပေါင်းရင်းမြစ်များ

HLAZY 94:20

Ryureihtuh moleipazy ta ama cha hrialâh thei aw ma? Hmo doleipa bieraopa ta a taopazy ta ama cha hrialâh thei aw ma?

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ISAI 56:12

“A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.

CHAPHÔHTUNA 4:5

Niedo pahâh chaipa a nie tyhpazy kha, Khiliah liata ama leidia haw; Poh saihlawpa a bupa ta a laiseihpazy chhao, Hnaihny a pathlupa amâ pyhpahly bâ.

EZEKIA 12:22

“Chyhsa sawchapawpa y, Izarei râh kyh liata he bieso nama hneipa, ‘Noh khih a vaw pasi nahta cha, aluahna to chhao hraoleipa ama châ heih tyh,’ nama tahpa he, a yzie khâpa ma a châ tly?

EZEKIA 12:27

“Chyhsa sawchapawpa y, Izarei pathlazy ta, ‘Aluahna a hmôpazy cha, noh hluhpi khai tawhta a vaw tlô awpazy châ ei ta, hmialâ daihti pasipi liata a y awpa kyh a châ,’ ama tah.

EZEKIA 23:42

Zawpi âmo khotlâ ta a ypazy pyu a hnohta theipa châ ta, chyhsa zawrâpazy chhaota râhchawhpa tawhta sahma paripazy a vaw chhi ei ta, chanôzy ku liata lâkyuzy paky ei ta, ama luh liata lakho ngia ngaitapazy ama pakho.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

AMÔSÂ 3:9

“Asadô abei ozy liata phuah u la, Izi râh abei ozy liata phuah teh u: ‘Samâri tlâhpizy liata a hmaohpakhy u la, Cha liata tymâna rarôh ypazy moh u la, A chhôh liata tlybainazy a ypazy moh teh u.’”

AMÔSÂ 5:12

Hy nâmo, chyhsa siapazy taola ei chi ta, Panaopapana lapa ta, Phahlapazy cha thokhy chhikao liata A pathluapa saih u, Nama paraona hluhzie pahno na ta, Nama moleina laizie ei pahno.

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

AMÔSÂ 6:12

Lôpanô chô liata arâzy amâ râ beih mâ? Cha liata chyhsa ta viahchao tôhpazy ta lei a palie beih ma? Nâmo deikua cha, Adona cha châmaih lâta palie ei chi ta; Siana thei chhao, Tho khapa nama pachâsa haw.

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

MATHAI 24:48

Chakaotuhpa moleipa deikua cha, a palôh liata, ‘Ei zibeipa cha charâ ta a vy bao aw vei,’ tahpa ta,

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

2 PITY 3:4

“Â vy heihna bietai cha khataih liata a y haw? Pathlatuhzy amâ mô tawh chhao ta, hmotaopazy tao tua nota ama yzie ualua ta hmo to zydua ama y thlâh he zaw” ama tah aw.

BIEPHUAH 18:17

Dawh kha chhôh ta, A hneirôna zydua a lei khai ha he zaw!” Balyh hyutuhpa zydua nata balyh ta khitlyhpa zydua, balyh puhpazy nata tilaipi chô liata sôhpalietuhpa zydua cha Lâhlapi ta a duah ei ta,