AMÔSÂ 6:2 - Mara Bible RV (BSI)

² Kalne lâ sie u la, moh tua u, Cha tawhna chata Hâmathi laipa lâ sie u la, Philistinâ râh liata Kâthâ lâta zu tua u. Cha râhzy hlâta nama pha via ma? Nâmo râh hlâta âmo râh a lai via ma?

AMÔSÂ 6:2 ပူးပေါင်းရင်းမြစ်များ

ÂTHAONA 10:10

Ano râh athaona cha Sinâ râh liata Babylaw, Ere, Akadâ nata Kalne khihzy ama châ.

2 SAMUELA 8:9

Dâvi ta Hadâdeze pheisaih zydua a pahnie khai hapa thâtih Hâmathi bei Tôi ta a thei nahta,

1 ABEIZY 8:65

Cha daihti liata Sawlawmaw ta kyhchhi noh sari tao ta. Lebôhamâ tawhta Izi Chavah taihta Izarei saw zydua a ki khaipa ta, zawpi hluhpi Abeipa eima Khazohpa hmiakô liata tlôpakhy ei ta.

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

2 ABEIZY 17:30

Babylaw mo ta Sukôbenô tao ei ta, Kuthâ mo ta Nakâ tao ei ta, Hâmathi mo ta Asimâ tao ei ta,

2 ABEIZY 18:34

Hâmathi khihpi nata Apâ khihpi khazohzy kha khataih liata ama y haw? Sephavai, Henâ nata Ivâ khazohzy chhao kha khataih liata ama y khai haw? Samâri kha ei ku tawhta ama pachha ma?

2 ABEIZY 19:13

Khataih liata Hâmathi bei, Apâ bei, Sephavai khihpi bei, Henâ bei nata Ivâ beizy kha ama y khai haw?’ tahpa ta nama chho aw,” tah ta.

2 THÂTIHZYRONA 26:6

Philistinâ mo a dyuh awpa ta pua ta, Kâthâ thokhy, Zabane thokhy nata Asadô thokhy zy pacho ta. Asadô râh nata Philistinâ mo hry liata khihpizy padua ta.

ZEREMIAH 49:23

He he Dâmaskâ kyh a châ: “Hâmathi nata Apâ cha, Thâtih chhiepa ama theipa vâta, Nozapa ta ama y. Chipa ta zao khai ei ta, Tilaipi chalihsa thei leipa hawhta, Tymâpa ta ama y.

NÂHU 3:8

Thebe khihpi hlâta na pha via ma? Nile chavah kiah liata y ta, Ti ta chadôpa ta, A diahsua tilaipi châ ta, A thokhy tizy a châpa hlâta na pha via ma?

1 SAMUELA 17:23

Âmo bie â chho hai nota, Kâthâ khihpa, Philistinâ chyhsa thatlô chaipa, a moh Kôliathâ ama tahpa cha, Philistinâ pheisaihzy hry tawhta vaw pua ta, a bie rei tyhpazy kha vaw reih heih ta, cha biezy cha Dâvi ta thei ta.

1 SAMUELA 17:4

Philistinâ mo riehmo tawhta ama chyhsa thatlô chaipa Kôliathâ, Kâthâ khihpa, dy charu nata kha kha a sâhpa vaw pua ta.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.

1 SAMUELA 5:8

Chyhsa tuah ei ta, Philistinâ bei zydua aw pakhy ei ta, ama hnohta, “Izarei Khazohpa Byh he kheihta ma eima tao aw?” tah ei ta. Âmo ta, “Izarei Khazohpa Byh he Kâthâ khihpi lâ siekheipa châ mawh sy,” tah ei ta. Chatanachata Izarei Khazohpa Byh cha Kâthâ khihpi lâ siekhei ei ta.