AMÔSÂ 6:11 - Mara Bible RV (BSI)

¹¹ Pachâ teh u, Abeipa ta bie a pie haw; O laipa cha a bo bo ta pachhaihpa châ aw ta, O chyhpa chhao a tlawh tlawh ta pachhaihpa a châ aw.

AMÔSÂ 6:11 ပူးပေါင်းရင်းမြစ်များ

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

HLAZY 105:16

Râh liata chakâhna patlôsa ta, Niepa hnawh zydua a chhie khai ha nota,

HLAZY 105:31

Abeipa ta bie reih ta, Mathyupa hluhpi vaw tlô ta, Ama râh cha thlohmia ta a bie.

HLAZY 105:34

Abeipa ta bie reih ta, Khawsuzy vaw pua ei ta; Khawsu chi to rei tiah leizy ama vaw pua.

BIECHHOTUHPA 10:18

Thathina vâta vâphuh tla ta, Diathlâna vâta o a zu.

ISAI 13:3

Ei pathaisapazy cha keima tlai ta biepie ha ei na ta, Ei pasaipha, ei ly kawpa nata ei palaikhei kawpazy cha, Ei hiehâhna pi patloh nawpa ta ei aw ha ei.

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

AMÔSÂ 3:15

Chasipaw o nata nopi o zy parao khai aw na ta, Sianaoh ozy leidia aw ei ta, O rônahpazy chhâna a tlô aw,” Abeipa ta a tah.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

AMÔSÂ 9:1

Abeipa cha maisâh kiah liata â duah thlâhpa ta hmô na ta, Abeipa ta hetana heta a tah: “Ochhizy â chalyu khaina taihta otôhzy phy la, Chyhsa zydua luh chô liata pacho thlu teh; A laibâhpazy cha zaozi ta thie aw ei na ta, Pakha hmahta a râ aw veih ei; Pakha hmahta pua aw veih ei.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

ZEKARIA 14:2

Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.

MALAKHAI 1:4

Edômâ ta, “Parao khaipa châ pi ta, châhrasala araopazy cha eima padua pathi heih aw,” tah hrasa la, Pheisaihzy Abeipa ta hetana heta a tah: “Ama padua ngyu ma, châhrasala phie aw na ta, ‘râh moleipa,’ nata ‘Abeipa hiehâhna chhâzaw ta a topa phopi,’ tahpa ta awpa ama châ aw.”

LUKA 19:44

Nâ nata na chhôh liata a ypa na sawzy alei liata ama cha taikhy aw. Chariahpazy vaw tlô nawpa noh na pahno leipa vâta, nâma liata alô â pachopa rai miakha hmah y khao leina taihta ama cha parao aw,” tah ta.