AMÔSÂ 6:10 - Mara Bible RV (BSI)

¹⁰ Athipa châta ropahâhpa a rao awpa a heinawh a vy sala, o tawhta a ri puakhei a chhuahpa ta, o chao chhâna liata a ypa cha hiahri sala, “Nâma leipa ta ahrohpa ama y khao ma?” tah sala, “Y veih ei” a tah khiahta cha, ano ta, “Na reih pathlie kha! Abeipa moh eima reih awpa châ vei” a tah aw.

AMÔSÂ 6:10 ပူးပေါင်းရင်းမြစ်များ

2 ABEIZY 23:16

Chatawhcha Zôsia cha a kaw heih ta, tlâh liata thlâzy hmô ta. Thlâ liata ruzy cha kei palasa ta, nothlahpa achhyna maisâh a papuapalei thei nawpa ta maisâh liata rao ta. Chazy cha Khazohpa chyhsa ta vaw chhochhielie ta a phuah khai hapa Abeipa bie hawhta a vaw tlôpa a châ.

2 ABEIZY 6:33

Cha hawhta a chho hai no ei ta, lyuhchâpa cha ano lâ a zu ta, a hnohta, “He hmo pha leipa he Abeipa vaw tuapa a châ hih! Khazia Abeipa cha ei hâ khao aw?” tah ta.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

AMÔSÂ 5:13

Chavâta chyhsa sopa cha, Cha hawhpa daihti liata â chalih thlâh ha aw, Daihti chhiepa a châpa vâta.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

MALUHREINA 17:12

Izarei sawzy ta Mawsi hnohta, “Moh teh, eima leidia ha hih! Paraopa châ pi ta, eima zydua ta paraopa eima châ ha hih.

1 SAMUELA 31:12

pasaipha zydua thyu ei ta, azozâkhihdei ta sie ei ta, Besâ thokhy liata ama chahry pâpa Sawla ri nata a sawchapawzy ri cha la ei ta, Zabe vaw tlôkhei ei ta, cha liata rao ei ta.