AMÔSÂ 6:1 - Mara Bible RV (BSI)

¹ Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

AMÔSÂ 6:1 ပူးပေါင်းရင်းမြစ်များ

1 ABEIZY 16:24

Samâri tlâh cha Seme tawhta tâkâ talent miano ta chalei ta, cha tlâh liata thokhy ta dôhpa khihpi padua ta. A khihpi paduapa moh cha, a tlâh hneituhpa Seme moh paphaopa ta Samâri a bi.

HLAZY 123:4

Chhôhmohpa ta a ypazy pasipasawhna vâta, Eima hro bohpi a riethei ta; Apalaipazy ta khâpasaw ta miah ama rei leina vâta, Eima hro a riethei ngaita.

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

ZEREMIAH 48:11

“A thyutlia no tawhta Môabâ cha thadâhpa ta y ta, A beih chaopahrâ liata chhôhmohpa ta a y. Beih hropa lâ patly khaipa châ beih leipa ta, Seichâna lâ sie beih vei. Chavâta a pahâh tyhpa hawhta pahâh lymâ ta, A roh a nano beih vei.

ZEREMIAH 49:31

“Thyu u la, chhôhmohpa ta a ypa phopi cha a kei dyuh u la, Thlalôhpa ta a ypa phopi cha a kei dyuh teh u; Thokhy chhikaozy nata a hraina lâzy hnei leipa ta, Âmo dei ta khih a sapa phopi cha siehnao teh u,” Abeipa ta a tah.

ZEREMIAH 5:5

Chhituhpazy lâ vawh aw na ta, Ama hnohta ei kei reih aw; Âmo cha Abeipa lâpi pahno thlyu aw ei ta, Ama Khazohpa ryhpa ama pahno tlai aw,” tah na ta. Châhrasala a paraohpa ta raopaky thlie ei ta, Bâliazy ama chhie haw.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

AMÔSÂ 3:9

“Asadô abei ozy liata phuah u la, Izi râh abei ozy liata phuah teh u: ‘Samâri tlâhpizy liata a hmaohpakhy u la, Cha liata tymâna rarôh ypazy moh u la, A chhôh liata tlybainazy a ypazy moh teh u.’”

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 5:27

Dâmaskâ khô lâ ei cha pasiesa aw ei,” Abeipa, a moh Pheisaihzy Khazohpa ta a tah.

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

MIKÂ 3:1

Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

ZÂMIE 5:5

Khizaw liana heta sapa palysapa ta phasapa ta hroh ei chi ta, thina noh zy lia taihta nama palôh namâ palysa.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.

RYUREITUHPAZY 18:7

Chatawhcha chyhsa papangawhzy cha pua ei ta, Laisâh khih tlô ei ta, cha liata chyhsazy cha thlalôh kawpa ta y ei ta, Sidaw mo hawhta sidiapa nata chhôhmohpa ta ama ypa hmô ei ta. A chhâpa cha, ama chô liata bie a hneipa nata khâpa kyh vâta tlyma ama noh a pazao awpa râh liata ama y leipa vâta a châ. Sidaw mo nata chhao a hla kaw ei ta, ahy nata hmah azaona hnei veih ei.