AMÔSÂ 5:25 - Mara Bible RV (BSI)

²⁵ “Hy Izarei pathlazy saih u, Râhchawhpa liata kô sypalih chhôh kha, Atheihna nata hmohlâpazy eina hlâ tyh ei chi ma?

AMÔSÂ 5:25 ပူးပေါင်းရင်းမြစ်များ

NEHEMIAH 9:18

Viahchaotaw nothlahpa a tao ei ta, ‘He he Izi râh tawhta châ kaw chhi papuatuhpa na khazoh a châ,’ tahpa ta Khazohpa moh thata ama reipachhie no chhao khata,

NEHEMIAH 9:21

Kô sypalih chhôh râhchawhpa liata âmo chyh chi ta, khâpa hmah a phahla veih ei. Ama chysiazy chy leipa ta, ama pheizy thloh vei.

EZEKIA 20:16

Ama khazoh nothlahpazy lâta ama palôh siepa ta, ei ryhpazy thy ei ta, ei bieraopazy a chhih leipa ei ta, ei Pahânohzy ama papuapaleipa vâta, chyhu ei sa thlupa ei a châ.

EZEKIA 20:24

Ei ryhpazy zyh leipa ei ta, ei bieraopazy thypa ta, ei Pahânohzy papuapalei ei ta, âmo pathlatuhpazy khazoh nothlahpazy lâ ama mo ama padeipa vâta, chyhu ei sa thlupa ei a châ.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

ZEKARIA 7:5

“Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.