AMÔSÂ 5:17 - Mara Bible RV (BSI)

¹⁷ Nama hry liata ei vaw siepahlie awpa vâta, Kre sadô to liata chana a y aw,” Abeipa ta a tah.

AMÔSÂ 5:17 ပူးပေါင်းရင်းမြစ်များ

PUASAINA 11:4

Mawsi ta, “Abeipa ta hetana heta a tah: ‘Zâ cho rachhôh liata Izi râh zydua vaw chahryh aw na ta,

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

PUASAINA 12:23

Abeipa ta Izi mo thie awpa ta vaw chahryh aw ta, ochhi tlâh nata ochhi tôh miano liata thisaih hniapa a hmô tita, Abeipa ta ochhi cha a zaw pakhô aw ta, pahleipadiatuhpa cha nâmo thie awpa ta nama o liata pangiasa aw vei.

ISAI 16:10

Lyu kôvei pha kaw tyhpa tawhta, Alyna nata thaphana zy pai ha ta; Kre sadôzy liata hla sa khao leipa ei ta, Rahao khao hra leipa ei ta, Kre saohtuhpazy ta kre saohna liata saoh khao veih ei; Thaphana pyuzy ei chalihsa khai haw.

ZEREMIAH 48:33

Thaphana nata alyna zy Lyu phapa tawhta pai ha ta, Môabâ râh tawhta a pai haw. Kre saohna khaoh liata kresawhti pachhâsa ha na ta, Ahy hmahta thapha ta awhpa ta Kre tly khao aw veih ei; Awhpa pyu chhao, Thaphana pyu châ khao aw vei.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

NÂHU 1:12

Abeipa ta hetana heta a tah: “Ama thatlôpa ta hluh kaw hra ei sala, Chhawh pathlahpa châ aw ei ta ama thi aw; Cha vaw pasasa ha hra aw sah la, Cha pasasa heih khao aw va na.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.