AMÔSÂ 5:16 - Mara Bible RV (BSI)

¹⁶ Chavâta Abeipa Zehôvâh, Pheisaihzy Khazohpa ta hetana heta a tah: “Tlyliah zydua liata chana y aw ta, Tlyliah to liata, ‘Cha rimâ cha! Cha rimâ cha!’ ama tah aw. Mâchhiesa awpa ta, Lyutaopazy awpakhy aw ei ta; Cha awpa ta, Chaphôhtu thaipazy ama hrua aw.

AMÔSÂ 5:16 ပူးပေါင်းရင်းမြစ်များ

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

ISAI 15:8

Môabâ râhrizy liata awhsâhpa pyu pathâh ta, A chapa pyu cha Ekalai taih tlô ta, A chaphôhtupa pyu Bereli taihta a daih.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ZEREMIAH 30:5

“Abeipa ta hetana heta a tah: Thlalôhna ao châ leipa ta thlazohna ao thei pi ta, Chipa ta awhpa ao eima thei.

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

HÔSIA 4:3

Chavâta râh cha mâchhiesa ta, A chhôh liata a pahrâpa to ama leidia; Râh sazy nata avâ pavawzy siekheipa châ ei ta, Tilaipi ngazy taihta ama siekhei.

ZÔELA 1:11

Hy lyutaopazy saih u, Nozapa ta y u la; Kre sadô mohôhtuhpazy saih u, A hrô teh u; Âtâ nata bâli sâhzy y khao leipa ta, Lyu kôvei a lei khai ha hih.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

ZÔELA 1:8

Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

AMÔSÂ 3:13

Nathlie u la, Zakaw pathlazy zikyu a râ teh u,” Abeipa Zehôvâh, Pheisaihzy Khazohpa ta a tah.

AMÔSÂ 5:27

Dâmaskâ khô lâ ei cha pasiesa aw ei,” Abeipa, a moh Pheisaihzy Khazohpa ta a tah.

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

MIKÂ 1:8

Cha vâna chata chapa ta ei rôh aw; Chysia pahluh aw na ta, Thluahruapa ta ei y aw; Changie hawhta chaphôhtu aw na ta, Pavawpi hawhta mâchhie ei sa aw.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”

BIEPHUAH 18:19

Ama luh liata buchadoh a mia ei ta, awh ei ta, hetana heta chapa ta mâchhie ama sâ: “Cha rimâ cha! Cha rimâ cha! Khihpi rônahpa, A hneirôna hmâpa ta, Tilaipi balyh hneituhpazy A pahneirôhsapa khihpi! Dawh kha chhôh ta, A lei khai ha he zaw!