AMÔSÂ 5:12 - Mara Bible RV (BSI)

¹² Hy nâmo, chyhsa siapazy taola ei chi ta, Panaopapana lapa ta, Phahlapazy cha thokhy chhikao liata A pathluapa saih u, Nama paraona hluhzie pahno na ta, Nama moleina laizie ei pahno.

AMÔSÂ 5:12 ပူးပေါင်းရင်းမြစ်များ

ZAWBÂ 20:19

Dyhchhiepa tlybaipa ta siesai ta, A sa leipa o a chhupa vâta.

ZAWBÂ 31:21

Ryureina liata châhkheituh ei hneipa vâta, Paw hneileipazy chô liata ku a vaw hy hapa ei châ khiahta cha;

HLAZY 127:5

A lavâ châtai ta a biepa chyhsa cha, Chyhsa nohlaopa a châ. Ama chariahpazy nata thokhy chhikao liata bie ama rei tita, Maophyuhpa ta y aw veih ei.

PUASAINA 23:3

“Dyhchhiepa ta biepeipa hnei sala, dyhchhiepa a châpa vâta na khokhei via awpa châ vei.

PUASAINA 23:6

“Dyhchhiepa cha a biepeipa pachiana liata â dona na chhu awpa châ vei.

BIESOZY 17:8

Panaopapana cha a pietuhpa châta dyu hawhta châ ta, Â heina lâ maihta a hlaotloh lymâ.

BIESOZY 22:22

Sipasapa hrao khah y, Sipasapa a châ khaw; Pasataopa chhao thokhy chhikao liata tu lao khah y.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

CHAPHÔHTUNA 3:34

Khizaw sei ta â tâhpa zydua tlysao khai awpa cha, Abeipa ta paryhsa hlei vei;

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

HÔSIA 5:3

Epharai cha pahno na ta, Izarei ta nâ nyusai thei vei. Hy Epharai, sihryh ha chi ta, Hy Izarei, na pualei haw.

AMÔSÂ 2:16

Cha noh liata cha, Pasaiphazy hry liata riahpha chaipa chhao, Thluahruapa ta â râ aw,” Abeipa ta a tah.

AMÔSÂ 2:3

Ryureituhpa cha ano tawhta chhawh pathlah aw na ta, A beimachâ zydua chhao a hnohta ei thie khai aw ei,” Abeipa ta a tah.

AMÔSÂ 5:10

Thokhy chhikao liata chhoreituhpa a hao ei ta, Biedopa a reihpa ama pasi.

AMÔSÂ 5:7

Hy nâmo, adona cha tho khapa pachâsa ei chi ta, Siana alei liata a thypazy saih u!

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.

RYHPACHANEINA 31:21

Hmo pha leipa nata nôpona hluhpi ama chô liata a vaw tlô tita, he hla he ama pathlazy pakah liata mypa ta a y lei awpa vâta, pahnokheituhpa âmo a padeituhpa a châ aw. Ei bietai râh ei tlôkhei hlâ chhao ei ta, ama palôh aheina lâ ei pahno khai,” tah ta.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.

ZÂMIE 5:6

Chyhsa siapazy thailei pachâsa ei chi ta, châ dyuh leipazy nama thie haw.

RUTHI 4:1

Bôaza cha khihpi thokhy chhikao lâ khy ta, cha liata a tyuh ta. Bôaza reipa ama heinawh hniapa cha a vy ta. Bôaza ta a hnohta, “Unawh, he lâ a vy la, a vaw tyuh tua,” tah ta. Cha chyhsa cha vawh ta, a kei tyuh ta.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.