AMÔSÂ 4:7 - Mara Bible RV (BSI)

⁷ “Sâh hria daihti thla thôh a y chy nota, Vâsua cha pakhâpa ei na ta; Khihpi miakha liata avâ pasuasa na ta, Khihpi hropa liata avâ ei pakhâ; Lyu miakha ta avâ hmô ta, Avâ a hmô leipa lyu cha a chawh tyh.

AMÔSÂ 4:7 ပူးပေါင်းရင်းမြစ်များ

PUASAINA 10:22

Mawsi ta a ku avâ lâ pazawh ta, chatanachata Izi râh chhôh zydua noh thôh chhôh zoh kaluh ha ta.

PUASAINA 10:23

 hmô thei khao leipa ei ta, noh thôh chhôh ama yna su tawhta a pasie thei tlâ khao veih ei. Izarei sawzy deikua cha, ama yna chyu liata khaihna ama hnei khai.

PUASAINA 8:22

Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

PUASAINA 9:26

Izarei sawzy yna Kôse râh liata deikua cha, pareih tla vei.

PUASAINA 9:4

Châhrasala Abeipa ta Izarei sawzy sahrohzy nata Izi mo sahrohzy ananona tao aw ta, Izarei sawzy eih cha pô kha hmah thi aw vei,’ tahpa ta chho mah y,” tah ta.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 14:3

Chhituhpazy ta chakaotuhpazy ti pathaisa ei ta, Tikhaohzy yna lâ ama pangai; Châhrasala ti hmô leipa ei ta, Ama tibeihzy aruapa ta kuakhei ei ta, Nozapa nata vâsâhpa ta ama luh amâ khu.

ZEREMIAH 14:4

Râh liata vâsua rai y leipa ta, Chhaohlei a kai khai hapa vâta, Lyutaopazy nozapa ta y ei ta, Ama luh amâ khu.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

ZEKARIA 14:17

Alei chô liata phopi kheihawhpa rai ta, Abeipa, Pheisaihzy Abeipa a naoh awpa ta Zerusale lâ a khy leipa cha vâsua dao aw veih ei.

ZAWHÂNA 4:35

Nâmo ta, ‘Sâh hria â daih nawpa thla palih a byuh,’ tah veih ei chi ma? Moh teh u, ei cha chho ei, sai u la, lyuzy moh tua u, hria awpa ta a maih haw.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

RYHPACHANEINA 11:17

Chata a châ khiahta cha, Abeipa pathi nama chô liata ia aw ta, avâ khaw aw ta, avâ sua leipa aw ta, alei ta thei pathei leipa aw ta, Abeipa ta râh phapa a cha piepa tawhta thlai nama leidia aw.

ZÂMIE 5:17

Elaizâh kha keimo hawhpa nôchâ a phaohpa chyhsapa châ ta, avâ suah lei awpa ta phahnai khoh ngaitapa ta thlahchhâ ta, kô thôh nata thla charu chhôh zydua alei chô liata avâ suah khao vei.

BIEPHUAH 11:6

Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.