AMÔSÂ 4:6 - Mara Bible RV (BSI)

⁶ “Nama khihpi zydua liata, Hâh pathaihna cha pie ei na ta; Nama yna su maihta, Viahchhâ phahlana ei cha pie ei; Chatanachôta kei lâ vaw kua veih ei chi,” Abeipa ta a tah.

AMÔSÂ 4:6 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 18:2

Elaizâh cha Ahabâ hnohta a luah awpa ta sie ta. Samâri râh liata chakâh mozoh tlô ta.

2 ABEIZY 4:38

Râh liata chakâhna a tlô nota, Elaisâh cha Kilkal lâ sie heih ta. Hrohsopa sahlao sawchapawzy cha a hmiakô liata a tyuh ei ta, a chakaotuhpa hnohta, “Beih laipa khaih la, hrohsopa sahlao sawchapawzy châta abie pati chhopa teh,” tah ta.

2 ABEIZY 8:1

Elaisâh ta a sawchapawpa a pahro heihpa chanô hnohna kha ta, “Thyu la, na chhôhkha chhao ta nama y theina su lâ kei y chy muh vy. Abeipa ta chakâhna aw ha ta, râh liana he kô sari chhôh chakâhna a tlô aw,” tah ta.

2 THÂTIHZYRONA 28:22

A nôpo ngaita no chhao ta, Ahâza cha Abeipa chô liata ngâ a chhih lei via rili ta. Cha cha Bei Ahâza hro a châ.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 3:1

Moh tua u, Pheisaihzy Abeipa Zehôvâh ta Zerusale nata Zudâh apahniehnazy a la khai ha hih; Niedo zydua la khai ha ta, Ti zydua a la khai haw.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 16:27

Chavâta pachâ teh, na chô liata ei ku hypa ta, na tovyuh pachyh na ta, na chariahpazy khohlei khona lâ ei cha hlâ haw. Na sihryhna hro a zakhei kaw tyhpa Philistinâ sawchanôzy ku lia tlai ta ei cha hlâ haw.

HÔSIA 11:5

Kei lâ ama vaw kua khoh leipa vâta, Izi râh lâ kua heih aw ei ta, Asuria cha ama bei a châ aw.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

ZÔELA 1:16

Eima mohmô lia tlai ta, Niepa pachhâsapa châ ta; Eima Khazohpa o liata Alyna nata thaphana chhâ ha vei ma?

THEIHTHAINA 26:23

“Chatanachôta ei chhoreina a pyh hlei leipa ta, ei kho leizie ta khâ nama y khiahta cha,

THEIHTHAINA 26:26

Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

HÂKAI 2:17

Nama ku raihria zydua cha alôpa, hmyna nata pareih zy hmâpa ta cha paraopa ei na ta, chatanachôta kei lâ vaw kua hlei veih ei chi,” Abeipa ta a tah.

RYHPACHANEINA 28:38

“Lyu liata sâh hluhpi tu aw ei chi ta, khawsu ta nie khai aw ta, a chyhta dei nama hria aw.

BIEPHUAH 2:21

A ro nawpa ta daihti pie na ta, châhrasala a sihryhna cha ro khoh vei.

RUTHI 1:1

Ryureituhpazy ta ryu ama reina daihtizy liata, Izarei râh liata chakâhna vaw tlô ta. Zudâh râh Bethlehe chyhsa pakha cha, a lapinô nata a sawchapaw panopazy chhaota Môabâ râh liata pahrâ chy awpa ta sie ta.