AMÔSÂ 4:5 - Mara Bible RV (BSI)

⁵ Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

AMÔSÂ 4:5 ပူးပေါင်းရင်းမြစ်များ

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 1:11

“Nama atheihna hluh ngaitapazy he, Ei châta khâpa a phahnai?” Abeipa ta a tah. “Mietaku tôhpa raopa hlânazy na ai ha ta, Sahroh pathawhpa thawzy eina ai haw; Viahchao tôhpazy thisaih liata a ly leipa na ta, Mietakutaw nata mie thisaihzy liata a ly hra va na.

ZEREMIAH 7:10

Cha khai tawhta keima moh tlai bipa, he o lâ he a vy ei chi ta, ei hmiakô liata namâ vaw duah heih tyh. Cha hawhpa hmo pasichhihpazy cha tao lymâ awpa ta ma, ‘Eimâ boh haw!’ nama tah tyh aw?

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

HÔSIA 9:10

Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

THEIHTHAINA 23:17

Chaluahpa hlâna ta Abeipa lâ thei hmiatuapazy hlâ awpa ta, nama pahrâna suzy tawhta, viahchhâ tlâ no nata viahdie dipa thinô pahlaopa ta taopa kachu su hrawh su no nama cheih awpa a châ.

AMÔSÂ 5:21

Nama kyhchhizy a hao na ta, Chhyh thai khao va na; Nama pakhypi pathaihpazy chhao, A ly va na.

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

MATHAI 15:9

Chyhsapa biepiepazy cha, Biezyhpa hawhta pachu ei ta, Hraoleipa ta einâ chhy ei,’ tahpa ta â do ngaitapa ta a vaw chhochhielie haw,” tah ta

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.