AMÔSÂ 4:2 - Mara Bible RV (BSI)

² Abeipa Zehôvâh ta A pathaihna moh reipa ta bie â taih ha ta, Moh teh u, nohzy a cha vaw tlô thlu hai ei; Thua akopazy ta ama châ chhi nawpa noh vaw tlô hai ta, Nama sawzy taihta keipa ta amâ chhi nawpa noh a vaw tlô hai.

AMÔSÂ 4:2 ပူးပေါင်းရင်းမြစ်များ

HLAZY 89:35

Ei pathaihna moh reipa ta, Chhâzaw châta ei kha bie a taih ha na ta; Dâvi hnohta haipa bie reih aw va na.

HLAZY 89:36

A chipathla tlyzaw ta a duah aw ta, Ei hmiakô liata noh a y chhôh zydua cha, A beidyuchhai â duah lymâ aw.

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ZEREMIAH 16:16

“Moh teh u, nga patutuhpa hluhpi tuah aw na ta, âmo ta Izarei sawzy cha ama patu aw. Cha khai tawhta sakathaipa hluhpi tuah heih aw na ta, âmo ta tlâhpi to nata tlâhthlôh to liata Izarei sawzy cha tlua aw ei ta, lôpanô khaoh to liata ama tlua aw.

EZEKIA 29:4

Na kâh ruzy liata keipa ta cha paao aw na ta, Na vo liata chavah ngazy ei pabaisa aw; Na chavahzy tawhta châ daophi aw na ta, Na vo liata a baipa, Na chavah nga zydua chhaota ei châ daophi aw.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 38:4

Cha pahieh aw na ta, na kâh liata keipa ta cha paao aw na ta, ei châ chhi aw. Na pheisaih zydua a chhi khai aw ei na ta, chariah chhaichhi kipa ta tobipa arâzy nata arâ pheisaihzy, vyhphao laipa nata vyhphao chyhpa a chabapa ta, zaozi a pahiehpa pheisaih hluh ngaitapazy ei chhi khai aw ei.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

AMÔSÂ 8:7

Abeipa ta Zakaw rônahna reipa ta, Hetana heta bie â taih haw: “Ama hmotaopa maih my beih aw va na.