AMÔSÂ 4:13 - Mara Bible RV (BSI)

¹³ “Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

AMÔSÂ 4:13 ပူးပေါင်းရင်းမြစ်များ

ZAWBÂ 9:7

Noh biepie ta chhi leipa ta, Awhsizy a khawhlôh theipa a châ.

HLAZY 135:7

Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

HLAZY 147:18

A bie paphao ta, A bie ta dâhaw tlozy cha pazao ta; Thlih pathlisa ta, Tizy a palosa.

HLAZY 65:6

Na thatlôna ta tlâhpizy padua chi ta, Na hmotaotheina ta na pa-i.

PUASAINA 10:22

Mawsi ta a ku avâ lâ pazawh ta, chatanachata Izi râh chhôh zydua noh thôh chhôh zoh kaluh ha ta.

PUASAINA 14:20

Izi pheisaihzy nata Izarei pheisaihzy likawh liata vaw tla ta. Meihdo nata zohna vaw y ta, zâ chhôh zydua meihdo ta hia kha lâ zohna paysapa ta, hia kha la khaihna paysa ta, zâ chhôh zydua ta hia kha lâ tawhta hia kha lâ a hnia thei veih ei.

ISAI 40:12

Ahy ma a kupazah ta tizy panua ta, A kha ta avâ khi a thlie beih tly? Ahy ma saikhua ta alei dohlei panua ta, Khopathliahna ta tlâhpizy pathliahpa ta, Khopathliahna ta tlâhthlôhzy a pathliah beih tly?

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 47:4

Miah Chatlaituhpa cha, A moh Pheisaihzy Abeipa châ ta; Izarei Mo Pathaihpa a châ.

ISAI 48:2

Namôsasyh ta khihpi pathaihpa â tah ei chi ta, Pheisaihzy Abeipa moh bipa Izarei Khazohpa a ngâchhâpazy saih u, He bie he thei teh u.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ZEREMIAH 10:13

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 46:18

“Ei hrona reipa ta ei reih, Abeipa, a moh Pheisaihzy Abeipa ta a tah. Tlâhpizy hry liata tlâh sâh chaipa Tabaw tlâh hawhpa a vy aw ta, Tilaipi kiah liata Kâmel tlâh hawhpa â vy aw.

ZEREMIAH 51:16

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 51:19

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh Pheisaihzy Abeipa a châ.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 2:30

Kei deikua cha chyhsa hropa zydua hlâta ei so viapa vâta he bienyupa he ei hnohta palâhâhpa châ leipa ta, a chhopasiana cha abei ta na pahno thei nawpa nata na palôh pachâpazy na pahno thei nawpa ta tlao a châ.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

AMÔSÂ 3:13

Nathlie u la, Zakaw pathlazy zikyu a râ teh u,” Abeipa Zehôvâh, Pheisaihzy Khazohpa ta a tah.

AMÔSÂ 5:27

Dâmaskâ khô lâ ei cha pasiesa aw ei,” Abeipa, a moh Pheisaihzy Khazohpa ta a tah.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

AMÔSÂ 8:9

“Cha noh liata cha, Nohchhô ta noh patlasa aw na ta, Noh y liah ta alei ei pazohsa aw.

AMÔSÂ 9:6

Avâzy liata a ochô chhôhpadâhzy tao ta, Alei liata a o tôh a bô; Tilaipi tizy aw ta, Alei chô liata a patlaituhpa a châ; Ano cha a moh Zehôvâh a châ.

MIKÂ 1:3

Pachâ teh u, Abeipa cha a yna tawhta vaw pua ta, Za chô aw ta alei su sâhpazy phei ta a tly aw.

HABAKU 3:19

Zehôvâh Khazohpa cha ei thatlôna châ ta, Ei pheizy he sakhih phei hawhta tao ta, Ei su sâhpazy liata eina pasiesa.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

MATHAI 9:4

Zisu ta ama pachânazy cha pahnopa ta, “Khazia nama palôh liata hmo moleipa nama pachâ?

ZAWHÂNA 2:25

Chyhsapa palôh chhôh liata a ypa a pahno khaipa vâta, chyhsapa kyh liata chyhsapa ta a pahnokhei awpa a ngiah vei.

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.

RYHPACHANEINA 32:13

Lei su sâhpazy chô liata patyusa ta, Lyu kôveizy a paniesa tyh; Lôpanô tawhta kheihti ta chyh ta, Lôsohpa tawhta sathaw ta a chyh.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”