AMÔSÂ 4:10 - Mara Bible RV (BSI)

¹⁰ “Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

AMÔSÂ 4:10 ပူးပေါင်းရင်းမြစ်များ

2 ABEIZY 10:32

Cha nohzy liata Abeipa ta Izarei râh cha pachyh pathao ta. Hâze ta Izarei râh zydua liata Izarei sawzy pahnie lymâ ta.

2 ABEIZY 13:3

Chavâta Abeipa cha Izarei chô liata a pathi ia ta, âmo cha Aramia bei Hâze ku liata nata Hâze sawchapawpa Benhadâ ku liata ama hro chhôh zydua ta a pie ha ei.

2 ABEIZY 13:7

Zehôahâ cha arâ pheisaih sypangawh, talailih miahrawh nata alei pheisaih thy kha dei hnei bâ ta. Aramia bei ta pahleipadia khai ha ta, sawhri buchadoh hawhta a tao khai hapa vâta a châ.

2 ABEIZY 8:12

Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

PUASAINA 10:27

Châhrasala Abeipa ta Phiraoh cha a palôh kuh pachhasa ta, âmo cha pasiesa khoh khao vei.

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 8:19

Moliethaipazy ta Phiraoh hnohta, “Khazohpa kudy a châ hih,” tah ei ta. Châhrasala Phiraoh cha a palôh kuh pachhasa ta, Abeipa ta a rei hapa hawhta, ama bie nathlie khoh vei.

PUASAINA 9:12

Châhrasala Abeipa ta Phiraoh palôh kuh pachhasa ta, Abeipa ta Mawsi hnohta a rei hapa hawhta, ama bie nathlie khoh vei.

PUASAINA 9:17

Chatanachôta ei phopi chô liata nâmasasyh a cheihchalo chi ta, âmo cha pasiesa khoh va chi.

ISAI 34:3

Thiepazy cha pabu leipa ta thy aw ei ta, Ama ri roh chhiepa pua aw ta, Tlâhzy liata ama thisaih palosapa a châ aw.

ISAI 50:11

Nâmo, mei patih ei chi ta, Meirei iapa ta â chadôsapazy saih u, Nama mei khaihna liata charei u la, Meirei nama chhipa khaihna liata charei muh vy! He he ei ku tawhta nama hmô awpa cha a châ: Riethei pasataopa ta namâ zia aw.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 11:22

Chavâta Pheisaihzy Abeipa ta hetana heta a tah: “Moh teh u, âmo cha ei hrie aw ei. Satliapazy zaozi ta thi aw ei ta, ama sawchapawzy nata ama sawchanôzy chakâhna ta ama thi aw.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 48:15

Môabâ cha paraopa a châ haw; Pahleipadiatuhpazy ta a khihpizy khyhnao ei ta, A satlia pha chaipazy thiena su lâ ama zu haw,” Abeipa, a moh Pheisaihzy Abeipa ta a tah.

ZEREMIAH 49:26

Chavâta a satliazy cha, Tlyliahzy liata pao aw ei ta; A pheisaih zydua chhao, Cha noh ta pahleipadiapa ama châ aw,” Pheisaihzy Abeipa ta a tah.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

ZEREMIAH 9:22

Chavâta reih teh u, Abeipa ta hetana heta a tah: “Chyhsa rizy lyurâhpa liata ie hawhta amâ thy aw; Sâh hria khai tawhta sapiahzy hawhta pao aw ei ta, Ahy ta hmah pakhy khao aw veih ei.”

HÔSIA 11:5

Kei lâ ama vaw kua khoh leipa vâta, Izi râh lâ kua heih aw ei ta, Asuria cha ama bei a châ aw.

ZÔELA 2:20

“Maw lâ tawhta â zupa cha, Nâmo tawhta lâhlapi lâta ei papai ha aw; Râh chawhkaraipa lâ to aw na ta, Roryhrapa râh lâ ei to ha aw. Hmia a sahpa cha, Nochhi tilaipi lâta to aw na ta; Hnôh a khawpa cha, Notla tilaipi lâta ei to aw. Abeipa ta hmo rônahpazy a tao awpa vâta, A thu roh pua aw ta, A roh chhiepa thata a pua aw.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

AMÔSÂ 4:6

“Nama khihpi zydua liata, Hâh pathaihna cha pie ei na ta; Nama yna su maihta, Viahchhâ phahlana ei cha pie ei; Chatanachôta kei lâ vaw kua veih ei chi,” Abeipa ta a tah.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

HÂKAI 2:17

Nama ku raihria zydua cha alôpa, hmyna nata pareih zy hmâpa ta cha paraopa ei na ta, chatanachôta kei lâ vaw kua hlei veih ei chi,” Abeipa ta a tah.

RYHPACHANEINA 28:21

Hnei awpa ta namâ ngiapa râh tawhta a cha pahleipadia khai hlâlei ei cha, Abeipa ta nama chô liata hri a patlôsa aw.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.

RYHPACHANEINA 28:60

Nama chi kaw tyhpa Izi râh hrizy kha nama chô liata chareisa heih aw ta, a cha kopâ aw ei.

RYHPACHANEINA 7:15

Abeipa ta hri zydua cha papaipa aw ei ta, Izi râh liata hri nama hmôpa kheihawhpa ta hmah cha pasasa leipa aw ei ta, châ haotuhpa zydua chô liata deikua a patlôsa aw.