AMÔSÂ 4:1 - Mara Bible RV (BSI)

¹ “Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 4:1 ပူးပေါင်းရင်းမြစ်များ

1 ABEIZY 16:24

Samâri tlâh cha Seme tawhta tâkâ talent miano ta chalei ta, cha tlâh liata thokhy ta dôhpa khihpi padua ta. A khihpi paduapa moh cha, a tlâh hneituhpa Seme moh paphaopa ta Samâri a bi.

ZAWBÂ 20:19

Dyhchhiepa tlybaipa ta siesai ta, A sa leipa o a chhupa vâta.

ZAWBÂ 24:4

Dyhchhiepazy lâpi tawhta chati pathlah ei ta, Alei liata dyhchhiepa zydua a nyu awpa ta ama tao.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 140:12

Abeipa ta pasa a taopazy â duakhei aw tahpa pahno na ta, Phahlapazy châta amâ dona â duakhei aw tahpa ei pahno.

HLAZY 22:12

Viahchao tôhpa hluhpi ta na chadô ei ta, Bâsanâ viahchao tôhpa thatlôpazy ta eina dôh ei.

BIESOZY 22:7

Hneirôhpa cha dyhchhiepa chô liata ryureih ta, Dyucheituhpa cha a pacheisatuhpa sei a châ.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ISAI 56:12

“A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ZEREMIAH 50:11

“Hy ei ryuto a hraotuhpazy saih u, Thaphapa nata thapawh kawpa ta ypa ta, Si panyupa su liata viahchao zeinô hawhta a chapiepa ta, Arâ tôhpa hawhta sâh hra u la,

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

ZEREMIAH 51:34

Zaio khihsawzy ta, “Babylaw bei Nebukaneza ta na palâ ha ta, Eina chaeih pazao haw; Beih ruapa ta na tao ta, Parihpi hawhta eina palâ haw; Ei niedo pahâhpazy ta a py a pabie ta, Chysia hawhta na saoh ta eina thy haw.

ZEREMIAH 6:6

Pheisaihzy Abeipa ta hetana heta a tah: “Zerusale thozy thlu u la, Khihpi dôh awpa ta, A thokhyzy alei pacho thlu teh u. Tlybaina ta a biepa khihpi châ ta, Hrie tlâhpa khihpi a châ.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

EZEKIA 18:12

dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 22:12

Thisaih palo nawpa ta, panaopapana khihpi chhôh liata la ei ta, a pôhna nata â thôhna la chi ta, na vaihzy tlybaipa ta athôhna hmô chi ta, kei deikua cha eina my ha chi,” Abeipa Zehôvâh ta a tah.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:29

Râhsawzy chhao ta, chyhsa hmozy chhu ei ta, chyhsazy hrao ei ta, dyhchhiepa nata phahlapazy tlybaipa ta, chihropa mapaihpazy chô liata nôchhiepa ta y ei ta, amâ dona nata tovyuhzy ama pakhâ tyh.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 39:18

Chyhsa rônahpazy sa niepa ta, lei beimachâzy thisaih doh aw ei chi ta, mietaku tôhpazy, mietakutawzy, mie tôhpazy nata viahchao tôhpazy thisaih nama doh aw. Viahchao tôhpa zydua cha Bâsanâ viahchao tôhpa thawhpazy ama châ.

ZÔELA 3:3

Ei phopi cha nuby a daopa ta a rai ei ta, Chapaw hawti cha âzuahnô nata ri ei ta, Kresawhti châta chanô hawti zuah ei ta ama doh tyh.

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

AMÔSÂ 3:3

“Ama sie nawpa su a lyu leipa sala, Chyhsa pano ama sie khoh thei aw ma?

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

AMÔSÂ 6:6

Biebuh ta kresawhti doh ei ta, Sathaw pha chaipa a thupazy; Châhrasala Zawsi rao nota a taokhei leipazy cha, Ama hu a po na!

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALUHREINA 21:33

Chatawhcha a lie ei ta, Bâsanâ lâpi lâta khy ei ta. Bâsanâ bei Ôkâ cha Izarei sawzy Edarei liata a dyuh awpa ta ano nata a chyhsa zydua chhaota pua ta.

RYHPACHANEINA 24:14

“Rai nama pahriasapa dyhchhiepa nata phahlapazy cha, nama chiheihpa ama châpa chhao ta, chihropa nama râh khih miakha liata a pahrâpa ama châpa chhao ta, nama tlybai awpa châ vei.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.