AMÔSÂ 3:9 - Mara Bible RV (BSI)

⁹ “Asadô abei ozy liata phuah u la, Izi râh abei ozy liata phuah teh u: ‘Samâri tlâhpizy liata a hmaohpakhy u la, Cha liata tymâna rarôh ypazy moh u la, A chhôh liata tlybainazy a ypazy moh teh u.’”

AMÔSÂ 3:9 ပူးပေါင်းရင်းမြစ်များ

2 SAMUELA 1:20

Kâthâ liata chho leipa u la, Askelaw lâpizy liata phuah khuh vy; Philistinâ zuahzy a ly aw ei ta, Chopawtaileipa sawchanôzy ama thapha pathlei aw na.

BIESOZY 1:13

Hmo sôhpazy hmô aw pi ta, Hraona sôh ta eima o eima pabie aw.

BIESOZY 11:16

Ngiachhiena a hneipa chanô cha zachhihna hnei ta, Thachahra a hmâhpa chyhsazy ta hneirôna ama hnei.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ZEREMIAH 31:5

Samâri tlâhpizy liata Kre sadôzy tao heih aw chi ta; A lohtuhpazy ta loh aw ei ta, A theizy ama nie aw.

ZEREMIAH 46:14

“Izi râh liata phuah u la, Mikadô liata tlâh awh teh u; Mephi nata Tâpahe liata phuah u la, ‘Nama chheipâh ta a ypazy cha, Zaozi ta palâ khai ha ei ta, Chavâta â ipa ta a duah u la, A pachyh muh vy,’ tah teh u.

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

EZEKIA 36:8

“Nâmo deikua cha, Hy Izarei tlâhpizy saih u, ei phopi Izarei sawzy amâ vaw di patoh bâ awpa vâta, nama chhyhzy thaopa ta, nama chiahzy pachiah aw ei chi ta, ei phopi Izarei châta thei nama pathei aw.

EZEKIA 37:22

Chatanachata ama râh, Izarei tlâhzy liata phopi miakha ta tao aw ei na ta, ama zydua chô liata ryu a reih awpa bei pakha a y aw. Phopi miano châ khao leipa aw ei ta, khinarâh miano ta pachhaihpa châ khao aw veih ei.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

AMÔSÂ 1:8

Asadô râhsawzy chhawh pathlah aw ei na ta, Askelaw ryureituhpazy ei chhawh pathlah aw ei; Ekaraw chô lia ei ku hy aw na ta, Philistinâ laibâhpazy ama leidia aw,” Abeipa Zehôvâh ta a tah.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

AMÔSÂ 6:3

Chhiena noh lâhlapi lâ pasie ei chi ta, Thachahra hmâna dyuchhai nama vaw pahniasa.

AMÔSÂ 8:6

Tâkâ ta dyhchhiepazy chaleipa ta, Pheiky bao kha ta phahlapazy chalei aw pi ta, Sâh sihpazy eima zuah aw,” A tah tyhpazy saih u, He bie he thei teh u.

MIKÂ 6:10

Moleipa o liata moleina sôhzy ei my thei aw ma? Chhiesapa ta a ypa panuana tloh leipa ei my thei aw ma?

1 SAMUELA 5:1

Philistinâ mo ta Khazohpa Byh cha patu ei ta, Ebeneza tawhta Asadô khihpi lâ siekhei ei ta.