AMÔSÂ 3:12 - Mara Bible RV (BSI)

¹² Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

AMÔSÂ 3:12 ပူးပေါင်းရင်းမြစ်များ

1 ABEIZY 20:30

Ahrohpazy cha Aphe khih chhôh lâ a râ ei ta, amâ râsaipa pheisaih 27,000 cha thokhy ta cho thlu ha ei ta. Benhadâ chhao a râ ta, khihpi chhôh liata chhôhpadâhpa chhôh chaipa liata a ngia ta.

1 ABEIZY 20:34

Benhadâ ta a hnohta. “Ei paw ta na paw tawhta khihpi a vaw la hapazy kha cha pie pakhua heih aw na ta, ei paw ta Samâri liata sohdaohna su a taopa hawhna khata, Dâmaskâ liata sôdaohna su na tao hra aw,” tah ta. Ahabâ ta, “Cha biehrai cha tao sih la ei cha pasiesa aw,” tah ta. Chatanachata a hnohta bie hraih ta, pasiesa ha ta.

1 ABEIZY 22:25

Mikai ta, “Pachâ teh, chhôhpadâhpa chhôh chaipa liata a nyu awpa ta nâ ngia noh ta na pahno aw,” tah ta.

2 ABEIZY 16:9

Asuria bei ta a bie reipa cha a vaw pyh ta. Chatanachata Asuria bei ta Dâmaskâ khihpi cha siehnao ta, la ta, a chyhsazy cha Kiri lâ sei ta a chhi ta, Rezi cha a thie haw.

ESTHERI 1:6

Sadô liana cha pala rih dipa pohrai diehpa nata nohpa zy pangiehpa châ ta, chazy cha pala rih dipa chaori diehpa nata nohsaihpa hmâpa ta, awhlôteihpa tôh liata pataohpa takâ tiakizy liata pazaopa a châ. Thlalâ a lyupa alô châpazy, awhlôteihpazy, taikulô pha chaipa nata lôsôhpazy ta taopa sadô siphiah chô liata, ngôh nata tâkâ dyuchhaizy patyupa a châ.

ESTHERI 7:8

Abei cha abei sadô tawhta kresawhti ama dona su lâ a vaw lie ta, Estheri atyuna dyuchhai liata Hâmâ paopa cha hmô ta. Abei ta, “Ei mohmô nata ei o lia taihta beinô patupakhi â chhuah bâ he zaw,” tah ta. Cha bie cha abei pakah tawhta a puapa nahta, Hâmâ hmia cha khu ei ta.

HLAZY 132:3

“Ei o lâ a ngia leipa aw na ta, Ei rakhô lâ kiah hra leipa aw na ta,

ISAI 17:7

Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 31:4

Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

AMÔSÂ 6:4

“Sianaoh rakhô liata a zia ei ta, Ama dyuchhai chô liata â pazawhpazy; Mietaku zaw liata mietakutaw sa nie ei ta, Viahchao o liata viahchao taw sa a niepazy;

AMÔSÂ 9:8

Pachâ teh u, Abeipa Zehôvâh mo cha, Khinarâh moleipa chô liata tawpâ ta, Chhaohlei chô tawhna heta Ei pahleipadia khai aw ei; Zakaw pathla deikua cha, Tlokhuh ta parao khai aw va na,” Abeipa ta a tah.