AMÔSÂ 2:7 - Mara Bible RV (BSI)

⁷ Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

AMÔSÂ 2:7 ပူးပေါင်းရင်းမြစ်များ

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

1 ABEIZY 21:4

Zezari chyhsa Nâbô ta cha hawhpa bie a hnohta a reipa vâna chata, Ahabâ cha pachâchhie ngaitapa nata palôh châ lei ngaitapa ta a o la a di ta. Nâbô ta, “Nâ pathlatuhpazy ryu cha pie thei aw va na,” khâchâ tah ha tlôh ta. Chatanachata a rakhô liata a zia ta, hiakha lâ a heih ta, pati rai nie khoh khao leipa ta.

BIESOZY 28:21

Khokhei viapa hneipa pha leipa ta, Châhrasala viahchhâ tlâ kha vâta, Chyhsa ta hmo a parao thei.

ISAI 10:1

Dâh hiehneipa a taotuhpazy nata Tlybaina bieraopa a papuatuhpazy cha, Ama hu a po na!

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

EZEKIA 22:11

Chyhsa ta a vaih lapinô chô liata hmo pasichhihpa tao ta, mohropa ta sihryh ngaitapa ta a myuhnô papuapalei ta, mohropa ta a sietanô, a paw sawchanô tlai cha khihpi chhôh liata a ykhei.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

HÔSIA 4:14

Chatahrasala, nama sawchanôzy cha, Ama sihryhna vâta hrie aw veih ei na; Nama myuhnôzy chhao, Amâ pheina vâta hrie aw veih ei na; Chapawzy ta sihryhnô cha a pheikhei ei ta, Âzuahnôzy nata atheihna ama hlâ khohpa tlao a châ. Pahnona a phahlapa phopi cha a leidia aw.

THEIHTHAINA 18:15

“Na myuhnô hno na ty awpa châ vei. Na sawchapawpa lapinô châ ta, a thluahruana na palâ awpa châ vei.

THEIHTHAINA 18:21

“Na saw ahy hmahta atheihna ta Môleka lâ na hlâ awpa châ vei. Cha hawhta hmo taopa ta na Khazohpa moh na papuapalei awpa châ vei. Kei he Abeipa ei châ.

THEIHTHAINA 18:8

“Na paw lapinô hno na ty awpa châ vei. Cha cha na paw dua thliapa a châ.

THEIHTHAINA 20:3

Kei tlai chhao ta, cha chyhsa cha a heihnao aw na ta, a saw Môleka lâ piepa ta, ei supathaihpa cha pathaih leipa ta tao ta, ei moh pathaihpa a papuapaleipa vâta, a phopi tawhta ei chhawh pathlah aw.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 5:12

Hy nâmo, chyhsa siapazy taola ei chi ta, Panaopapana lapa ta, Phahlapazy cha thokhy chhikao liata A pathluapa saih u, Nama paraona hluhzie pahno na ta, Nama moleina laizie ei pahno.

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

MIKÂ 2:9

Ei phopi chanôzy cha, Ama ngiaryh kawna ama ozy tawhta papua ei chi ta, Ei rônahna cha, Ama sawzy tawhta chhâzaw ta nama lapa haw.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

1 KAWRINI 5:1

Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.