AMÔSÂ 2:2 - Mara Bible RV (BSI)

² Chavâta Môabâ chô liata mei tuah aw na ta, Keriô abei ozy a kâ khai aw; Môabâ cha tymâna hry liata thi aw ta, Awhsâhpa nata chiahmie pyu hry liata a thi aw.

AMÔSÂ 2:2 ပူးပေါင်းရင်းမြစ်များ

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ZEREMIAH 48:24

Keriô nata Bôzrâ khihpizy chô liata pachiana vaw tlô ha ta, Môabâ râh khihpi hropa lâhla lâhnia liata a ypa khihpi zydua chô liata chhao pachiana a vaw tlô haw.

ZEREMIAH 48:34

“Hesbaw nata Elialeh liata awh ei ta, Zahâ taihta ama ao ama papua; Zawâ tawhta awh ei ta, Hôrônai tai nata Ekalâselisia taihta ama ao ama papua. Niri tizy chhao roryhrapa ta a y haw.

ZEREMIAH 48:41

Keriô khihpi cha pahniepa châ aw ta, A thokhyzy lapa a châ aw. Cha noh liata, Môabâ pasaiphazy palôh cha, Chanô sawzeihpa palôh hawhta a châ aw.

ZEREMIAH 48:45

“Hesbaw tawhta mei vaw pua ta, Sihaw liah tawhta meipaleih a vaw pua; Môabâ baih hmi kâ khai ta, Kalihpi a topa sahlao laki sâzy a kâ khai haw; Chavâta arâpazy cha ama thachhâ ta, Hesbaw nohpahli liata amâ duah.

EZEKIA 25:8

“Abeipa Zehôvâh ta hetana heta a tah: Môabâ nata Seirâ ta, ‘Zudâh pathlazy cha phopi hropazy nata amâ nanona y vei,’ ama tahpa vâta,

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

AMÔSÂ 1:4

Chavâta Bei Hâze o liata mei tuah aw na ta, Benhadâ abei ozy a kâ khai aw.