AMÔSÂ 2:14 - Mara Bible RV (BSI)

¹⁴ A râ thei kawpa chhao ta chatlie thei khao leipa aw ta, Thatlôpa thatlôna y khao aw vei; Pasaipha chhao ta A hrona pabohsa thei aw vei.

AMÔSÂ 2:14 ပူးပေါင်းရင်းမြစ်များ

ZAWBÂ 11:20

Moleipazy mo deikua cha zoh aw ta, Amâ râ nawpa lâpi zydua lei khai aw ta, Ama kho chaipa cha, Ama hu chhâ awpa a châ aw,” tah ta.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ZEREMIAH 25:35

Mietaku vaituhpazy châta A chhai nawpa y khao leipa aw ta; Mietaku zaw zibeipazy châta A râ nawpa y khao aw vei.

ZEREMIAH 39:4

Zudâh bei Zedekia nata pheisaih zydua ta âmo cha ama hmô nahta, a râ ei ta. Thokhy â pathopa mianozy likawh liata a ypa chhikao lâ tawhta a zo ta khihpi cha puasaipa ta, Arabâ lâ pangai ei ta.

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

AMÔSÂ 5:9

Ano cha diahsua chô liata raona pathlisa ta, Thokhy chô liata raona a patlôsatuhpa a châ.