AMÔSÂ 1:9 - Mara Bible RV (BSI)

⁹ Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

AMÔSÂ 1:9 ပူးပေါင်းရင်းမြစ်များ

2 SAMUELA 5:11

Tyre bei Hirâ ta Dâvi lâ chyhsa tuah ta. Sidy thozy paphao ta, tho zôthaipa nata lô zôthaipazy tuah ta. Âmo chata Dâvi châta o sapa ei ta.

HLAZY 83:7

Kebâli mo, Amawna mo nata Amale mozy, Philistinâ mo nata Tyre mozy châ ei ta,

ZEREMIAH 25:22

Tyre bei zydua, Sidaw bei zydua nata tilaipi haosâ liahpahlô beizy;

ZEREMIAH 47:4

Philistinâ mo zydua pahleipadiana noh vaw tlô hai ta, Baotuhpa a y tlakaihpazy chhao, Tyre nata Sidaw tawhta chhawh pathlahna noh a vaw tlô haipa vâta, Cha hawhpa hmo cha a vaw ypa a châ. Abeipa ta Philistinâ mo pahleipadia hai ta, Tilaipi kiah Kâftaw râh liata laibâhpazy chhao, A pahleipadia hai ei.

EZEKIA 27:1

Abeipa bie ei hnohta vaw tlô ta:

EZEKIA 27:27

Na paona noh liata cha, Na hneirônazy nata na hmobaohzy nata na sôhdaohnazy, Na balyh pheisaihzy nata na balyh haohtuhpazy, Na balyh taotuhpazy nata na sôdaohpazy, Nâ liata a ypa na pheisaih zydua, Na balyh liata hriatuhpa zydua nata na chhôh liata a ypa zydua cha, Tilaipi chhôh liata pamôhpa ama châ aw.

EZEKIA 28:1

Abeipa bie ei hnohta vaw tlô ta:

EZEKIA 28:18

Na sôhpaliena adoleipa liata Na paraona hluh ngaitapazy ta Na supathaihpazy na papua haw. Chavâta na chhôh tawhta mei papua na ta, Cha chata cha kâ patlô ta, Châ hmôtuhpa zydua mohmô liata, Alei liata buchâh ta ei cha pachâsa haw.

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

AMÔSÂ 1:6

Abeipa ta heta na heta a tah: “Kâza moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa a chhi ei ta, Edômâ lâ sei ta ama hlâpa vâta.

ÔBADIA 1:11

Khichhaipazy ta Zerusale sôh a râkhei ei ta, Chihropazy ta a thokhy chhikao a ngiapa ta, Zerusale kyh nuby amâ dao noh kha, Â hlapa tawhta tlâ na moh ei; Chavâta nâ chhao âmo hawhpa na châ hrapa kha.

ZEKARIA 9:1

Abeipa aluahna bie ta Hâdarâh râh a dyuh ta, Dâmaskâ cha â pahâna su a châ. Abeipa mokhaoh cha chyhsapa chô liata a choh ta, Izarei chi zydua chô liata â choh thlâh haw.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 11:22

Châhrasala ei cha chho ei, ryureina noh liata la nâmo pasa taopa hlâta Tyre nata Sidaw pasa tao awpa a zie a y via aw.

LUKA 10:13

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha Tyre nata Sidaw liata taopa châ sala, latho poh a bupa ta buchâh hry liata a tyuh aw ei ta, ama ro ha awpa tlai.

LUKA 10:14

Pachiana noh liata, nâma pasa tao awpa hlâta Tyre nata Sidaw pasa tao awpa a zie a y via aw.