AMÔSÂ 1:6 - Mara Bible RV (BSI)

⁶ Abeipa ta heta na heta a tah: “Kâza moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa a chhi ei ta, Edômâ lâ sei ta ama hlâpa vâta.

AMÔSÂ 1:6 ပူးပေါင်းရင်းမြစ်များ

2 THÂTIHZYRONA 28:18

Philistinâ mo chhao ta Sephelâ nata Zudâh Neke râhzy vaw chho ei ta, Beseme, Aizalô, Kederaw, Sôkô nata a khichapeihzy, Timnah nata a khichapeihzy, Kimzô nata a khichapeihzy la ei ta, cha suzy liata ama pahrâ haw.

ZEREMIAH 47:1

He he Phiraoh ta Kâza a pahnie hlâta, Philistinâ mo kyh liata hrohsopa Zere­miah hnohta Abeipa bie a vaw tlôpa a châ.

EZEKIA 35:5

“Izarei khâ a khakhai chi ta, Izarei sawzy cha ama chhiena nata âmo hriena chhâna daihti liata, zaozi hmotaotheina liata na hlâ ha ei.

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

ZÔELA 3:6

Zudâh nata Zerusale chyhsazy chhao, ama râh tawhta lâhlapi lâ pasiesa ha awpa ta, Krikâh mozy hnohta nama zuah.

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

AMÔSÂ 1:3

Abeipa ta heta na heta a tah: “Dâmaskâ moleina miathôh vâta, Âh, miapalih vâ chhao rai ta, Hriena chalihsa aw va na; Sâh chakhyna thua syulô hmâpa ta Kilia ama chakhypa vâta.

AMÔSÂ 1:7

Chavâta Kâza thokhy chô liata mei tuah aw na ta, Abei ozy a kâ khai aw.

AMÔSÂ 1:9

Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

ÔBADIA 1:11

Khichhaipazy ta Zerusale sôh a râkhei ei ta, Chihropazy ta a thokhy chhikao a ngiapa ta, Zerusale kyh nuby amâ dao noh kha, Â hlapa tawhta tlâ na moh ei; Chavâta nâ chhao âmo hawhpa na châ hrapa kha.

ZEKARIA 9:5

Askelaw ta cha cha hmô aw ta, A chi kaw aw; Kâza chhao ta hmô aw ta, Pasa tah ngaitapa ta â taikalô aw; Ekaraw chhao â taikalô hra aw, A hnabeiseihna a lei hapa vâta. Kâza cha abeina pahlei aw ta, Askelaw liata chyhsa pahrâ khao aw veih ei.

HMOTAOPAZY 8:26

Abeipa vâlyuhchâpa ta Phili cha bie a chho ta, “Thyu la, Zerusale tawhta Kâza lâ zuna lâpi, chho lâta râhchawhpa a chapiapa lâpi lâta sie teh,” tah ta.

1 SAMUELA 6:17

Hezy he thaileichâna atheihna hlâna châta Philistinâ mo ta Abeipa lâta ngôh kheihluh nothlahpa ama hlâ paliepazy a châ: Asadô vyuhpa ta miakha, Kâza vyuhpa ta miakha, Askelaw vyuhpa ta miakha, Kâthâ vyuhpa ta miakha, Ekaraw vyuhpa ta miakha.