AMÔSÂ 1:1 - Mara Bible RV (BSI)

¹ He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

AMÔSÂ 1:1 ပူးပေါင်းရင်းမြစ်များ

2 SAMUELA 14:2

Chavâta Zôabâ ta Tekô khih lâ chyhsa tuah ta, cha liata chanô sopa pakha kei palasa ta, a hnohta, “Mâchhiesapa hawhta y pakhei la, mâchhiesana poh a bu la, sathaw chhao a thu khah y. Athipa châta bohpi mâchhie a sapa chanô hawhta y la,

1 ABEIZY 19:19

Elaizâh cha cha su tawhta sie ta, Saphâta sawchapawpa Elaisâh cha kei hmô ta. Elaisâh cha viahchao tôhpa bao hrawh hleino ta alei vaw palie ngâ kaw ta. A bao hrawh hleinona cha ano ta haoh ta. Elaizâh ta kei pangai ta, a viahkao pasipa thy thlu ta.

2 ABEIZY 14:21

Zudâh chyhsa zydua ta kô hrawh hleicharupa Azariah cha a chhi ei ta, a paw Amazia su liata abei ta ama tao.

2 ABEIZY 14:23

Zôasâ sawchapawpa Zudâh bei Amazia kô hrawh hleipangawh â bei kô ta, Zôasâ sawchapawpa Izarei bei Zerôbaw cha Samâri liata a bei pathao ta, kô sypalih nata kô kha â bei.

2 THÂTIHZYRONA 11:6

Bethlehe, Etamâ, Tekô,

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ZEREMIAH 1:1

He biezy he Benzami râh Anathô khihpi liata theihthaipazy hry liatapa, Hikia saw­chapawpa Zeremiah biezy a châ.

ZEREMIAH 28:8

Nâ nata kei hlâta a vaw y tuapa hlâno hrohsopazy khata, râh hluhpi nata khinarâh rônahpazy chô liata adyuhna, chakâhna nata potlana a tlô awpa kyh hrohsona biezy ama phuah tyh.

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

ZEREMIAH 7:27

“He bie zydua he ama hnohta na reih awpa a châ. Châhrasala cha nathlie pyly aw veih ei. Âmo cha aw aw chi ta, châ chhy pyly aw veih ei.

HÔSIA 1:1

He biezy he Zudâh râh liata Uzia, Zôthâ, Ahâza nata Hezekia zy amâ beina daihti nata Izarei râh liata Zôasâ sawchapawpa Zerôbôâ â bei nota Beri sawchapawpa Hôsia hnohta Abeipa bie vaw tlôpazy a châ.

AMÔSÂ 7:14

Amôsâ ta Amazia cha a chhy ta, a hnohta, “Kei he hrohsopa châ leipa na ta, hrohsopa sawchapaw chhao châ va na. Sahroh vaituhpa nata theiku kô mohôhtuhpa ei châ.

MIKÂ 1:1

He he Zudâh bei Zôthâ, Ahâza nata Hezekia zy amâ bei nota, Môrese khihpa Mikâ hnohta Samâri nata Zerusale kyh Abeipa bie a vaw tlôpa a châ.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.