3 ZAWHÂNA 1:6 - Mara Bible RV (BSI)

⁶ âmo chata na kyhpachâna cha Awnanopa ama pahnosa haw. Khazohpa chyhsa ama châpa hawhta ama khitlyna liata deichhy tyh la, na tao pha kaw aw.

3 ZAWHÂNA 1:6 ပူးပေါင်းရင်းမြစ်များ

ÂTHAONA 4:7

Hmo dopa na tao khiahta cha, A pyhpa châ aw va chi ma? Hmo dopa na tao vei khiahta deikua cha, Moleina ta chhikao liata châ byh ta, Cha hnei awpa a khoh; Na pahnie awpa a châ,” tah ta.

ZAWNA 4:4

Abeipa ta, “Na hiehâhna kha â do ma?” tah ta.

HMOTAOPAZY 15:29

Nothlahpa lâ atheihna sa niepa, sa thisaih niepa, paaosaopa niepa nata apheina zy nama bâhsai awpa a phapa ta eima pahno. Chazy cha nama bâhsai khiahta cha, nama châta a pha aw. Atlâhpa ta.”

HMOTAOPAZY 15:3

Awnanopa ta pathlie ei ta, Zenitaizy ama pipathina kyh chho lymâpa ta, Phônisia râh nata Samâri râh chahryh khai ei ta, cha thâtih chata unawh zydua palysa ngaita ta.

HMOTAOPAZY 21:5

Cha liata y nawpa daihti a chhâ nahta, pua pi ta, sie heih pi ta. Unawhzy cha ama zydua ta, ama lapi sawzy chhaota, khih eima khô hlâlei miah vaw pathlie ei ta. Raphyu liata eima pakhu paneihpa ta thlah eima chhâ khai tawhta,

RAWMA 15:24

Spânia râh lâ ei siena liata nâmo châ vaw hmô pâ awpa ei chhuah. Chatanachata nama hnohta a pahlaopa ta buakha chhôh a lypa ta y aw na ta, cha khai tawhta ei khitlyna liata chhao eina deichhy thei awpa ei chi ta ei hnabei a seih.

2 KAWRINI 1:16

Mâsidônia lâ ei siena liata cha vaw tly pâ ta, Mâsidônia tawhta nâmo lâ vaw kua heih ta, nâmo ta Zudia lâ eina pathlie awpa ei chi ei chhuah.

PHILIPI 4:14

Chatahrasala ei nôponazy liata nama nô eina pokhei tyhpa ei chi he, nama tao pha na.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

TITU 3:13

Dâhthaipa Zenâ nata Apawlôsâ zy kha, khâpa hmah a phahla lei awpa ta mokhei la, ama khitlyna a palâ thei nawpa ta na theina zydua ta bao mah y.

1 PITY 2:20

Tuna pasataona namâ tyh tita, tiama kawpa ta dao thei hra u la, moleina hmo nama taopa vâta namâ tyhpa a châ khiahta cha, khâpa phahnaina a hnei? Hmo pha taopa vâta pasa tao ei chi ta, tiama kawpa ta nama dao thei khiahta deikua cha, cha cha Khazohpa hmiakô liata palyupalihna a to tlâh a châ.

3 ZAWHÂNA 1:12

Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.