3 ZAWHÂNA 1:10 - Mara Bible RV (BSI)

¹⁰ Chavâta ei vy khiahta cha, a hmotaopa, eima kyh miah reih ta, thâ miah a pachhiena kyh kha ei pasia aw. Cha chhao cha a daih tah leipa ta, unawhzy a ly khoh leipa ta, a ly khohpazy pakhâ ta, Awnanopa tawhta a papua ei.

3 ZAWHÂNA 1:10 ပူးပေါင်းရင်းမြစ်များ

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

BIESOZY 10:10

Chyhsa a mopasihpa cha nôpona tlôkhei ta, Ahrupa reikah hluhpa chhao a pao aw.

2 KAWRINI 13:2

Nâmo lâ ei vy ei nona liana khata zikyu ei châ râ ha ei. Tahmâ ei vy hlâta zikyu ei châ râ chanei ei. Ei vy heih tita, kha hlâta moleina a vaw taopazy nata mohropazy pahlôh aw veih ei na.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

BIESOZY 10:8

Palôh sopa cha biepiepazy a pyh ta, Ahrupa reikah hluhpa deikua cha a pao aw.

3 ZAWHÂNA 1:5

Kho ngaitapa y, unawhzy kha na châta hmia pahno leipa châ hra ei sala, ngâchhih ngaitapa ta ama chô liata hmo vaw tao chi ta,

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

1 TIMAWTHY 5:13

Cha dei châ vei, thathipa ta y ei ta, o to ta amâ khiekhâ tyh. Ama thathipa dei châ leipa ta, chyhsa kyh reih ei ta, biethâhzy taopa ta, rei lei awpazy ama reih tyh.

2 ZAWHÂNA 1:10

Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.

2 ZAWHÂNA 1:12

Nama hnohta bie hluhpi ro awpa hnei hraw sah la, châhna nata châti hmâpa ta roh hlei aw va na. Eimâ lyna â ki thei nawpa ta, nâmo lâ a vy ta, hmiachhypa ta bie cha chho awpa ei tlao ei chhuah.

3 ZAWHÂNA 1:3

Unawhzy vaw tlô ei ta, biehmeiseihpa châta ngâ nâ chhihzie nata biehmeiseihpa liata na y lymâzie ama vaw reipa ta eina palysa ngaita.