2 ZAWHÂNA 1:8 - Mara Bible RV (BSI)

⁸ Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.

2 ZAWHÂNA 1:8 ပူးပေါင်းရင်းမြစ်များ

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

MATHAI 24:4

Zisu ta âmo cha a chhy ta, “Ahy hmahta ama cha dôvei lei nawpa ta a vaih teh u.

MÂKA 13:23

Nâmo deikua cha, a vaih teh u, ato ei cha chhochhielie ha ei hih.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

LUKA 19:19

Zibeipa ta a hnohta, ‘Nâ chhao khih pangawh chô liata hyutuhpa ta y mah y,’ tah ta.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

ZAWHÂNA 4:36

Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.

1 KAWRINI 15:8

A chhâ chaina ta, a daihti leipa ta a pihpa keima hnohta chhao â luah.

1 KAWRINI 3:14

Ahy rai lôbô chô liata o a sapa â duah thlâh ha khiahta cha, cha chyhsa cha lymâ a hmô aw.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

KALATIA 3:4

Hraoleipa hmo châ tlai sala, hraoleipa liata ma pasa hluhpi nama vaw tao?

KALATIA 4:11

Nama châta thazâh ei pahryuh thlâhthli aw tahpa ei chi kaw.

PHILIPI 3:16

Khâpa rai châ sala, eima tlôna rakha liata eima duahmo nata â hmiepa ta hroh sih la, eima tlô pachiena tawhta hmialâ tôh lymâ suh u.

HEBRAI 10:32

Châhrasala nama daihti hmiatuapa liata, nopavâhsapa ta nama y khai tawhta thata pasa nama taona nohzy kha a thei tyh muh vy.

HEBRAI 10:35

Chavâta namâ ngiapâna alôhna, lymâ rônahpa a hneipa cha thy khuh vy.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

BIEPHUAH 3:11

Ei vy patoh aw. Ahy hmahta na lakho ama cha lapa lei nawpa ta, na hnei chiehpa kha khâchâ patu mah y.