2 TIMAWTHY 4:8 - Mara Bible RV (BSI)

⁸ Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

2 TIMAWTHY 4:8 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

HLAZY 7:11

Khazohpa cha pachiatuh dopa châ ta, Moleina kyh vâta noh chareih ta a hie a hâhpa Khazoh a châ.

BIESOZY 4:9

Ngiachhiena pawpi na luh liata tawh aw ta, Lakho rônahpa a cha pakho aw.

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

MATHAI 24:36

“Châhrasala cha noh nata dawh cha, Paw dei leipa ta cha ahy hmahta pahno veih ei. Vârâh liata vâlyuhchâpazy chhao ta pahno leipa ei ta, Sawchapawpa chhao ta pahno vei.

MATHAI 7:22

Cha noh liata chyhsa hluhpi ta ei hnohta, ‘Abeipa, Abeipa, na moh ta hrohsona bie phuah ma pi ma, na moh ta ahripazy papua ma pi ma, na moh ta hmonoâhpa hluhpi tao ma pi ma?’ ama tah aw.

LUKA 10:12

Ei cha chho ei, cha noh liata, cha khih pasa tao awpa hlâta Sawdawmâ khih pasa tao awpa a zie a y via aw.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

1 KAWRINI 3:13

mei ta pasia aw ta, Noh ta a palâhâh awpa vâta, o sapazy cha ama châna dopa â vaw lâ chyu aw. Kheihta ma ama hria tahpa mei ta a pasia aw.

1 KAWRINI 9:25

Ataopasuana liata a hlaopazy cha, kyh toti liata amâ sohsi tyh. Âmo cha lakho rao theipa hmô awpa ta tei ei ta, keimo deikua cha, lakho rao thei leipa hmô awpa ta eima tei.

2 KAWRINI 5:2

Vâ atobina ta a tobi awpa vâpa ta, he lei byureih liana heta eimâ rôh tyh.

PHILIPI 3:11

athihpa hry tawhta thyuheihna cha, ano hawhta ei to tlai hra aw.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 THYSALAWNIKA 5:4

Châhrasala unawh saih u, cha noh liata parutuhpa hawhta pachhai awpa ta, nâmo la zohna liata y veih ei chi.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

1 TIMAWTHY 6:19

Chatanachata daihti vaw tlô awpa liata ama ryuto châta lôbô phapa a bô aw ei ta, hrona hmeiseihpa cha ama patu thei aw.

2 TIMAWTHY 1:10

Cha ngiachhiena cha miah Pachhatuhpa Krista Zisu â vaw luahna liata tahmâ palâsapa ta a y haw. Krista cha thina pahlei ta, thâtihpha vâta hrona nata thi thei leina a vaw tlôkheituhpa a châ.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

2 TIMAWTHY 1:18

Ephesi khih liata kyh to liata eina chakaozie chhao kha a siapa ta nama pahno. Cha noh liata Abeipa tawhta zawngiahna hmô awpa ta, Abeipa ta ano cha pasai mawh sy!

2 TIMAWTHY 2:5

Ataopasuana liata, chyhsa ta dâh hawhta a tei leipa khiahta cha, pahniena lakho pakho theipa châ vei.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 12:11

Chhoreina zydua he, a tyh nota cha alychhihpa châ leipa ta, a pasa kaw tyh. Pasa tao khai tawhta deikua cha, chhoreipa ta a ypazy châta thei thlalôh chhihpa, siana thei a pathei tyh.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

1 PITY 1:4

ryuto rao thei leipa, apuapa a hlao leipa nata lo beih leipa vârâh liata a cha sopa ei.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 4:10

machâ pakih nata papalihzy cha beidyuchhai liata a tyuhpa hmiakô liata a bôh ei ta, chhâzaw nata tlyzaw ta a hroh thlâhpa cha amâ chhy tyh. Beidyuchhai hmiakô liata ama lakhozy soh ei ta,

BIEPHUAH 4:4

Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.