2 TIMAWTHY 4:5 - Mara Bible RV (BSI)

⁵ Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.

2 TIMAWTHY 4:5 ပူးပေါင်းရင်းမြစ်များ

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 33:2

“Chyhsa sawchapawpa y, na phopi chho la, ama hnohta hetana heta reih teh: Râh chô liata zaozi ei vaw patlôsa tita, râhsawzy ta ama hry tawhta chyhsa pakha a tlyhpa ta, âmo riahvaituhpa ta tao ei sala,

EZEKIA 33:7

“Chavâta nâ, chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

MATHAI 25:16

Talent miapangawh a vaotuhpa cha thlai sie ta, talent â vaopazy hmâpa ta sôh palie ta, talent miapangawh hropa papôhsa ta.

MÂKA 13:34

Cha daihti vaw tlô nawpa cha, chyhsa ta lâhlapi lâ khitlyh ta, a o a siesaipa cha a chakaotuhpazy ku liata soh ta, ama raihria awpa pie chyu ta, ochhi vaituhpa cha, khâ a hra thlâh ha awpa ta bie a piepa hawhta a châ.

MÂKA 13:37

Nama hnohta ei reipa he chyhsa zydua hnohta a reihpa ei châ: Riavaihpa ta y teh u,” tah ta.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

HMOTAOPAZY 21:8

A mylâ ta pua pi ta, Kaisaria tlô pi ta, biechhotuhpa Phili o liata tlô pi ta. Ano cha pasaripazy hry liata a hlao hrapa a châ.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

EPHESI 4:12

Chazy cha chakaona rai hria awpa ta mopathaihpazy pachhuahpanoh ta, Krista pôhpa pipatlohsa nawpa ta piepa a châ.

KAOLAOSÂ 1:25

Khazohpa bie â kipa ta ei cha chho thei nawpa ei ta, nâmo mohôhna raihria Khazohpa ta eina piepa lymâ hawhta, Awnanopa chakaotuhpa ta taopa ei châ.

KAOLAOSÂ 4:17

Akhipâ kha, “Abeipa liata chakaona na hmôpa kha patlô a chhuah mah y,” tahpa ta vaw chho muh vy.

1 THYSALAWNIKA 5:6

Chavâta mohropazy hawhta a mô leipa ta, a hra sih la, palôh pasohpa ta y ei suh u.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

1 TIMAWTHY 4:15

Chyhsa zydua ta na hmasiena ama hmô thei nawpa ta, hmopiepazy cha hmâh la, cha chakaona liata a hmâh khai mah y.

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

2 TIMAWTHY 2:3

Krista Zisu pheisaih phapa hawhta rietheina tao mah y.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

BIEPHUAH 3:2

A hra la, na hnei tlakaihpa a thi daihmâpazy kha pahro heih mah y. Na hmotaopazy kha ei Khazohpa hmiakô liata paki hapa ta hmô va na.