2 TIMAWTHY 4:17 - Mara Bible RV (BSI)

¹⁷ Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

2 TIMAWTHY 4:17 ပူးပေါင်းရင်းမြစ်များ

HLAZY 109:31

Abeipa cha phahlapa chachâh lâta a duah ta, Thi awpa ta thailei a pachâsatuhpazy ku tawhta pachhatuhpa a châ.

HLAZY 22:21

Chakeibarôhneipa pakah tawhta na pachha la, Chaoliah ahrâhpa ki tawhta na pabohsa mah y!

BIESOZY 20:2

Abei hiehâhpa cha chakeibarôhneipa a rôhpa hawhta châ ta, Abei hie a pahâhpa chyhsa cha a hro châta chi â chhih.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

MATHAI 10:19

Ama cha patu tita, ‘Kheihta ma bie eima reih aw, khâpa bie ma eima reih aw,’ tahpa ta nama nôpo khah sy. Nama rei awpa cha a daihtita liata piepa nama châ aw.

LUKA 1:1

Eima hry liata hmo vaw tlôpa thâtihzy kha chyhsa hluhpi ta roh ha ei ta,

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 15:31

Zudia râh liata ngiapâleipazy tawhta ei boh thei nawpa nata Zerusale liata ei chakaona cha mopathaihpazy châta a pyh tlâh a châ thei nawpa ta thlah na chhâkhei teh u.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

2 TIMAWTHY 2:9

Cha thâtihpha vâna chata pasa tao na ta, moleipa hawhta bâlia ta chahrypa ei châ. Châhrasala Khazohpa bie cha chahry theipa châ vei.

2 TIMAWTHY 3:11

taolana ei tyhpa nata pasa ei taona zydua na pahno. Antiôkâ khih liata zy, Ikônia khih liata zy, Lystâ khih liata zy taolana ei tyhna liata ei taopasana zydua pahno chi ta, cha taolanazy tawhta Abeipa ta eina pachhapa chhao na pahno.

2 TIMAWTHY 4:5

Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.

TITU 1:3

A daihtita liata a vaw luahpa chhâzaw hrona bie cha, Khazohpa miah Pachhatuhpa biepiepa ta pavaosapa châ na ta, cha bie a chhotuhpa, kei, Pawla heta,

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.