2 TIMAWTHY 4:14 - Mara Bible RV (BSI)

¹⁴ Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

2 TIMAWTHY 4:14 ပူးပေါင်းရင်းမြစ်များ

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

HLAZY 28:4

Ama hriapa lymâ hawhta âmo cha pie la, Moleina hmo ama taopa lymâ hawhta âmo cha thô mah y; Ama ku raihria lymâ hawhta âmo cha thô la, Ama lymâ dao awpa pie mah y.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

ZEREMIAH 15:15

Hy Abeipa y, na pahno mâh tâh; Rie nâ theipa ta na vaw tly la, Nâ taolatuhpazy chô liata phuh na lapa mah y. Na daotheina vâta na pahlei leipa la, Nâma vâta reipachhiena a taopa ei châpa pahno mah y.

CHAPHÔHTUNA 3:64

“Hy Abeipa, âmo cha viari thô la, Ama ku hmotaopa lymâ hawhta viari thô mah y;

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 2:6

Khazohpa ta chyhsa to ama hmotaopa lymâ hawhta a pachia aw.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.

1 TIMAWTHY 1:20

Chazy hry liata Humenia nata Alezandâ a hlao ei ta, Khazohpa reipachhiepa a peizie amâ chu thei nawpa ta, Sâtâ hnohta ei hlâ ha ei.

2 TIMAWTHY 4:15

Nâ chhao ano tawhta a vaih mah y, eima biereipa thata a dyuhtuhpa a châ.

1 ZAWHÂNA 5:16

Chyhsa ta thina taih a châ leipa moleina a unawhpa taopa a hmô khiahta cha, thlah a chhâpa awpa a châ. Chatanachata thina taih a châ leipa moleina a taotuhpazy cha Khazohpa ta hrona a pie aw ei. Thina taih a châpa moleina y ta, cha hawhpa châta thlahchhâpa awpa ei tahpa châ vei.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 18:6

Chyhsazy viari a thô tyhpa hawhta, Ano chhao viarithô u la, A hmotaopazy a lie no ta viarithô teh u; A do awpa pahlaona nyu cha, A lie no ta pahlaopa teh u.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

1 SAMUELA 24:12

Abeipa ta nâma nata keima likah pachia sala, Abeipa ta na chô liata ei phuh tlao la mawh sy. Kei ta la, na chô liata ei ku pathla cheita aw va na.