2 TIMAWTHY 4:1 - Mara Bible RV (BSI)

¹ Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

2 TIMAWTHY 4:1 ပူးပေါင်းရင်းမြစ်များ

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

LUKA 19:12

“Beimachâ pakha cha khinarâh hnei theina ryuchâ a kei la ta, a vaw lie heih awpa ta râh hlapi lâ sie ta.

LUKA 19:15

Khinarâh hneina ryuchâ cha la ta, â vaw lie nahta, tâkâ a piepa chakaotuhpazy kha ano lâ a vy awpa ta biepie ta. Ama sôh paliepa tawhta khazie ma ama papôhsa chyu tahpa pahno khoh ta.

LUKA 23:42

Chatawhcha Zisu hnohta, “Zisu, na khinarâh na tlô tita nâ thei mah y,” tah ta.

HMOTAOPAZY 10:42

Ano cha athihpa nata ahrohpa pachia awpa ta Khazohpa ta a raopa a châzie a duakheipa ta, chyhsazy hnohta chho awpa ta bie miah a pie.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

KAOLAOSÂ 3:4

Krista eima hrona cha â vaw luah tita, nâmo chhao ano hnohta rônahpa ta namâ luah hra aw.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

2 TIMAWTHY 1:10

Cha ngiachhiena cha miah Pachhatuhpa Krista Zisu â vaw luahna liata tahmâ palâsapa ta a y haw. Krista cha thina pahlei ta, thâtihpha vâta hrona nata thi thei leina a vaw tlôkheituhpa a châ.

2 TIMAWTHY 2:14

He biezy he âmo pahnosa heih la, phahnaina hnei tlôh leipa ta nathlietuhpazy a parao tyhpa biezy liata a eichhia lei awpa ta biepie mah y.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 4:5

Ahrohpa nata athihpa pachia awpa ta a mâ chiehpa ta a y thlâh hapa hnohta ama thâtih âmo tlai ta amâ reih aw.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.

2 PITY 1:17

Rônahna Beichaipa tawhta, “He he ei Sawchapawpa kho ngaitapa, a chô liata ei ly ngaitapa a châ,” tahpa ta ao vaw pua ta, Krista cha Paw Khazohpa tawhta palyupalihna nata rônahna a to nona kha,

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.