2 TIMAWTHY 3:16 - Mara Bible RV (BSI)

¹⁶ Biehrai zydua cha Khazohpa huso thlupa châ ta, pachuna châta zy, thailei pachâsana châta zy, chhoreina châta zy, siana achuna châta zy a phahnai ngaita.

2 TIMAWTHY 3:16 ပူးပေါင်းရင်းမြစ်များ

2 SAMUELA 23:2

“Abeipa Thlahpa ta keima hmâpa ta reih ta, A bie cha ei paleih liata a y.

NEHEMIAH 9:20

Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

BIESOZY 15:10

Lâpi a heihsaituhpa châta chhoreina ru ngaitapa y ta, Rana a haotuhpa chhao a thi aw.

BIESOZY 15:31

Hrona chhoreina a nathliepa nakhaoh cha, Asopazy hry liata a pahrâ aw.

BIESOZY 6:23

Biepiepa cha meiôh châ ta, Pachuna cha khaihna châ ta, Chhoreina rana cha hrona lâpi a châ.

MIKÂ 2:7

Hy Zakaw pathlazy saih u, Cha hawhpa bie cha reih awpa a châ ma? Abeipa Thlahpa cha, A palôh a tataotahâpa a châ ma? Chazy cha ano taopa a châ ma? Âdopa ta a ypa chô liata cha, Ei biezy ta phana tao vei ma?

ZEPHANIA 3:2

Rei a ngiah leipa ta, Chhoreina chhao a pyh khoh vei. Abeipa ngâ leipa ta, A Khazohpa a hnia hra vei.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MATHAI 21:42

Zisu ta ama hnohta, “Biehrai liata, “‘O satuhpazy alô kho leipa cha, A ki lô a vaw châ haw; Cha cha Abeipa taopa châ ta, Eima mo liata â ngia ngaita,’ tahpa bie reih beih veih ei chi ma?

MATHAI 22:43

Zisu ta ama hnohta, “Cha khiah, kheihtazie ta Dâvi kha Thlahpa ta pareisapa ta, ano cha Abeipa a tah tly? Dâvi ta,

MATHAI 26:54

Châhrasala cha hawhta tao aw sah la, he hawhta vaw châ awpa ta Biehrai ta a reipa kheihta â ki thei aw?” tah ta.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

MÂKA 12:24

Zisu ta ama hnohta, “Cha vâna chata vei ma nama pachâpasi tyh vei? Biehrai pahno leipa ei chi ta, Khazohpa hmotaotheina chhao pahno veih ei chi?

MÂKA 12:36

“‘Abeipa ta ei Beipa hnohta, Na chariahpazy na phei ry liata ei so khai hlâlei cha, Ei chachâh lâta a tyuh mah y,’ a tahpa kha.

ZAWHÂNA 10:35

Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

ZAWHÂNA 3:20

Hmo moleipa a taopa ta khaihpa â hao tyh. A hmotaopazy â lâ awpa vâta, khaihpa lâ a vy khoh vei.

HMOTAOPAZY 1:16

Pity ta, “Unawh saih u, Thlahpa Pathaihpa ta Dâvi pakah ta Zisu patutuhpazy lâpi a chhotuhpa Zudâh kyh a vaw rei chhieliepa Biehrai bie kha, a vaw tlô awpa rai a châ.

HMOTAOPAZY 18:25

Abeipa lâpi kyh pachu hapa chyhsa châ ta. Zawhâna bâtina deita a pahnopa chhao ta, thlahpa thapasana hneipa ta, Zisu thâtih â do kawpa ta a pachu tyh.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

HMOTAOPAZY 28:25

Ama bie a hmô thai khao leipa ta, Pawla ta bie miakha a rei khai nahta, ama pua haw. Pawla ta, “Thlahpa Pathaihpa ta hrohsopa Isai pakah ta châ pathlatuhpazy hnohta,

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

RAWMA 2:20

Pahnona nata biehmeiseihpa yna ryhpa na hneipa vâta, ahrupazy pasotuhpa nata hawtizy pachutuhpa ta nâ pachâ.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

RAWMA 4:23

“A siana ta raopa a châ,” tahpa biezy cha ano châ dei ropa châ leipa ta,

1 KAWRINI 12:7

Thlahpa hmopiepazy cha zawpi pha nawpa ta chyhsa to hnohta piepa a châ.

KALATIA 3:8

Zenitaizy cha ngiapâna vâta Khazohpa ta thai a pachâsa aw ei tahpa Biehrai ta pahno chhielie ta, “Nâma liata phopi to byhnâ topa ta ama y aw,” tahpa ta Abarahâ hnohta thâtihpha a vaw chho chhielie hapa a châ.

RYHPACHANEINA 29:29

“Hmo nyupazy cha Abeipa eima Khazohpa eih châ ta, hmo palâhâhpazy deikua keimo nata eima pathlazy eih a châ. Chatanachata he ryhpa bie zydua he eima zyh thei aw.

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

2 TIMAWTHY 2:25

Khazohpa ta ano a dyuhtuhpazy chhao parosa thei ta, biehmeiseihpa pahnona lâ â chhi thei ei tahpa a ngiapâpa ta, Abeipa chakaotuhpa cha nônai kawpa ta taopathina rai a hria awpa a châ.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

HEBRAI 11:1

Ngiapâna cha hmo hnabeiseihpazy a y tlai tahpa pahnona châ ta, hmo hmô leipazy pahnopasiana a châ.

HEBRAI 3:7

Chavâta Thlahpa Pathaihpa ta, “Tanoh he a ao nama thei khiahta cha,

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.