2 TIMAWTHY 3:15 - Mara Bible RV (BSI)

¹⁵ Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

2 TIMAWTHY 3:15 ပူးပေါင်းရင်းမြစ်များ

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

HLAZY 71:17

Hy Khazohpa, ei hawti no tawhta na pachu chi ta, Tanoh taihta na hmotao noâhpazy ei phuah lymâ.

BIESOZY 22:6

Hawtipa cha a sie nawpa lâpi pachu la, A pitloh tita chhao siesai aw vei.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

DÂNIAH 10:21

Châhrasala biedopa rona châbu liata ropa ei cha chho aw: Nâmo ryureituhpa Mikaila tah leipa ta cha, he sahlaozy adyuhna liata nâ dyuhkheipa pakha hmah y veih ei.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

LUKA 2:40

Hawsaih cha laiseih lymâ ta, a tha vaw tlô ta, sona ta bie ta, Khazohpa ngiachhiena ano liata y lymâ ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

LUKA 24:32

“Lâpi liata bie miah a chho ta, Biehrai biezy miah a chhopasia nona kha, eima pathipalôh a kâ ngâ kaw tlai vei ma kha?” tah ei ta.

LUKA 24:45

Biehrai biezy ama pahno thei nawpa ta, ama palôh pahy ta,

ZAWHÂNA 5:47

Mawsi bie ropazy nama zo vei khiahta cha, kheihta ei biezy nama zo thei aw?” tah ta.

HMOTAOPAZY 10:43

Hrohsopa zydua chhao ta, ahy rai ano a ngiapâpa maih cha, ano moh ta moleinazy a ngiahthaipa ama châ aw, tahpa ta ama vaw pahnokhei chhieliepa kha a châ,” tah ta.

HMOTAOPAZY 13:29

A thâtih ro chhieliepa zydua ama patlôsa khai nahta, tho tawhta la ei ta, thlâ liata pazia ei ta.

HMOTAOPAZY 16:1

Pawla cha Derbe nata Lystâ lâzy chhao sie ta. Cha liata Timawthy ama tahpa pachupa pakha y ta. Timawthy cha Zu chanô ngiapâtuhpa sawchapaw châ ta, a paw deikua cha Krikâh chyhsa a châ.

HMOTAOPAZY 17:2

Pawla cha a taozietyhpa hawhta a pakhy hra ta, Pahânoh ei thôh Biehrai pakhâta ta âmo a laichadaikhei ta.

HMOTAOPAZY 26:24

Cha hawhta a thaichâna bie a rei hai nota, Festâ ta ao paro ngaitapa ta, “Pawla, na palôh â ki khao leipa he! Nâ chu hluhna ta a cha pahrusa ha hih!” tah ta.

RAWMA 1:2

Cha thâtihpha cha, Khazohpa ta a hrohsopazy hmâpa ta hlâno tawhta Biehrai pathaihpa liata bie â vaw taih hapa a châ.

RAWMA 16:26

Tahmâ deikua cha, bienyupa palâhâhpa ta a y haw. Chyhsazy ta a ngiapâ ei sala, a bie ama zyh thei nawpa ta, chhâzaw Khazohpa ta biepie ta, bienyupa cha hrohsopazy châbu hmâpa ta phopi zydua hnohta pahnosapa ta a y.

RAWMA 2:27

Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

1 TIMAWTHY 4:13

Ei vy hlâlei zawpi hry liata Biehrai reina, pasyuna nata pachuna raizy tiamapa ta vaw hria mah y.

2 TIMAWTHY 1:1

Pawla, Krista Zisu liata hrona a ypa bietai hawhta Khazohpa khozie ta Krista Zisu lyuhchâpa ta

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 PITY 3:16

A châpaphaopa zydua liata, cha biezy cha reih ta, cha hawhta a roh tyh. A bie ropazy liata thokha cha pahno ru ngaitapazy châ ei ta, chazy cha chyhsa so leipa nata a i leipazy ta, Biehrai bie hropazy ama chhopasiazie hawhta, pako pakâ ei ta, âmosasyh ta amâ pahleipadia tyh.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.

1 SAMUELA 2:18

Hawtipa Samuela cha lini ephaw a kypa ta, Abeipa hmiakô liata chakao lymâ ta.