2 TIMAWTHY 3:14 - Mara Bible RV (BSI)

¹⁴ Nâ deikua cha, ahy tawhta a chupa ma na châ tahpa pahnopa ta, nâ chupa nata â ipa ta nâ ngiapâpa liana khata y lymâ mah y.

2 TIMAWTHY 3:14 ပူးပေါင်းရင်းမြစ်များ

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

RAWMA 14:5

Chyhsa pakha ta noh kha cha, noh hropa hlâta pasô via ta, chyhsa hropa ta noh zydua he miakha sai ta a pachâ. Chyhsa to ama pachâna chyu liata ama sia awpa a châ.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.

2 TIMAWTHY 1:13

Krista Zisu liata a ypa ngiapâna nata kyhpachâna hneipa ta, siezie awpa biedopa kei tawhta na theipazy kha zi mah y.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

TITU 1:9

Awnanopa chhituhpa cha biezyhpa dopa a pachu thei awpa châ ta, biezyhpa dopa chakhiatuhpazy a padei thei nawpa ta, pachuna dopa â ipa ta a patu awpa a châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.