2 TIMAWTHY 3:13 - Mara Bible RV (BSI)

¹³ Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

2 TIMAWTHY 3:13 ပူးပေါင်းရင်းမြစ်များ

ZAWBÂ 12:16

Ano liata thatlôna nata sona y ta, Dôveipa nata dôveituhpa chhao ano eih ama châ.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

EZEKIA 8:13

“Kha hlâta pasichhih viapa ama taopazy na hmô aw,” tahpa ta eina chho via heih.

2 KAWRINI 6:8

rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

2 PITY 2:20

Eima Beipa nata Pachhatuhpa Zisu Krista ama pahnopa vâta, khizaw puanazy amâ râsai ha tawhta, cha lilaw liata a tâh heihpa ta, pahniepa ta ama y heih khiahta cha, hnôhlâ ta ama yzie cha hmialâ ta ama yzie hlâta a chhie via ha tyh.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.