2 TIMAWTHY 3:12 - Mara Bible RV (BSI)

¹² Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.

2 TIMAWTHY 3:12 ပူးပေါင်းရင်းမြစ်များ

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 23:34

Chavâta hrohsopazy, chyhsa sopazy nata ryhpa pachutuhpazy ei cha vaw tuapa ei. Thokha thie aw ei chi ta, thokha nama khaipâ aw. Thokha cha namâ pakhyna ozy liata chhei aw ei chi ta, khi kha tawhta khi hro lâta nama taola laih lymâ aw.

MÂKA 10:30

tahmâ hro chhôh tlai heta ozy, unawhzy, sietanôzy, nôzy, sawzy, râhzy a lie za kha ta hmô aw ei ta, taolana nata daihti vaw tlô awpazy liata chhâzaw hrona ama hnei aw.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 17:14

Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

1 KAWRINI 15:19

He hro chhôh châ deita ta Krista liata hnabeiseihna a hneipa eima châ khiahta cha, chyhsa zydua liata ngiachhie chhih chaipa eima châ aw.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 4:9

Taolapa ta y pi ta, châhrasala siesaipa ta y ma pi. Chheipa ta y pi ta, châhrasala pahleipadiapa châ ma pi.

1 TIMAWTHY 2:2

Thlalôhpa nata chhôhmohpa ta ypa ta, Khazohpa a pachâpa nata zachhihpazy eima châ lymâ thei nawpa ta, beizy nata biehneituhpa zydua châta thlahchhâ tyh awpa ta ei châ haw ei.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

1 TIMAWTHY 6:3

Ahy rai biezyhpa hropa pachupa ta, eima Beipa Zisu Krista biedopa nata Khazohpa khozie hawhta hroh awpa pachunazy â pyh vei khiahta cha,

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

ZAWSUA 17:14

Zawsi pathlazy ta Zawsua hnohta, “Abeipa ta byhnâ miah pie lymâ ta, tahmâ cha chipho lai ngaitapa vaw châ ha pi ta, kheihtazie ta tovyuh miakha deita miah patosa chi ta, ryuto râh su kha deita miah na pie thlâh haw,” tah ei ta.

1 PITY 3:14

Siana vâta pasa a taopa nama châ khiahta cha, vânoh nama to aw. Ama cha pachhiparyna chi leipa u la, nôpopa ta y hra khuh vy.

2 PITY 3:11

Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.