2 TIMAWTHY 3:1 - Mara Bible RV (BSI)

¹ He he pahno mah y. Noh hnôhlâzy liata cha daihti ru ngaitapazy a vaw tlô aw.

2 TIMAWTHY 3:1 ပူးပေါင်းရင်းမြစ်များ

ÂTHAONA 49:1

Zakaw ta a sawchapawzy aw ta, “Na vaw chadô teh u, noh hnôhlâ ta nama chô liata hmo a vaw tlô awpazy ei cha chho aw ei,” tah ta, hetana heta a chho ei:

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

ZEREMIAH 49:39

“Noh hnôhlâzy liata deikua cha, Elâmi cha vânoh ei patosa heih aw,” Abeipa ta a tah.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

DÂNIAH 10:14

Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 12:11

Raopa hlâna hlâ tyhpa cha pachhâsapa ta, roryhrana patlôsatuhpa pasichhihpa paduapa a châna daihti tawhta, noh 1,290 a châ aw.

DÂNIAH 12:7

Chatawhcha pala rih dipa chysia a tobi ta, chavah ti chô liata â pahai thlâh hapa chata, a ku chachâh lâ nata a ku chavei lâ avâ lâ pazawh ta, tlyzaw ta a hrohpa moh reipa ta, “Daihti ei kha, daihtizy nata daihti khophie chhôh a châ aw, mopathaihpazy hmotaotheina paraopa a châ khai tita, he hmo zydua he â ki aw,” tahpa ta bie â taihpa thei na ta.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

1 ZAWHÂNA 2:18

Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.

ZUDÂH 1:17

Kho ngaitapa saih u, nâmo deikua la, eima Beipa Zisu Krista lyuhchâpazy bie chhochhieliepa kha a thei thlâh ha muh vy.

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.